Uthuthelwe esihogweni sejele eKZN uMatlala
Bahle Mkhize
Uthuthelwe eBongweni Correctional Centre eKokstad, KwaZulu-Natal uVusimuzi “Cat” Matlala obetokile Kgosi Mampuru Correctional Centre ePitoli.
Leli jele athuthelwe kulona laziwa njengendawo enozokuphepha nokuqashwa kweziboshwa okusezingeni eliphezulu eNingizimu Africa.
Iziphathimandla zithi ukuhanjiswa kwakhe kuyingxenye yohlelo lezokuqapha iziboshwa eziyimgozi. Ayikho eminye imininingwane ededeliwe.
Ayishumi nanye amacala okuzama ukubulala abhekene noMatlala nabane asolwa nabo. Kuhlanganisa netulo lokuzama ukubulala ukutholakala nesibhamu nezinhlamvu okungekho emthethweni.
Wonke lamacala amataniswa nesigameko sokuzama ukubulala umlingisi uTebogo Thobejane owayeyintombi yakhe ngo-October 2023.
UMatlala phakathi kokunye asolwa ngakho ukuba ungqondongqondo ekudayisweni kwezidakamizwa.
Muva nje ubevelile phambi kweMadlanga Commission.
UMchunu kuthiwa wayefuna ukuba nguMengameli we-ANC, uMatlala wakhokha u-R500, 000 wezindiza, izindawo zokulala nezokuzijabulisa.
Konke lokhu kwakuzokwenzeka njengoba kwakunesidlo sakusihlwa se-ANC sikaJanuwari 8 Statement eKapa ngoJanuwari 10.
Lezi zindaba zivezwe nguWitness C eKhomishini yamaJaji ephenya ngobugebengu, ukugxambukela kwezepolitiki kanye nenkohlakalo kwiKhomishini kaMadlanga.
Ngesikhathi ethula ubufakazi, uWitness C osanda kungcwatshwa watshela iKhomishana ukuthi ngemuva kokuba amaphoyisa ebophe uMatlala eMidrand ngoMay, wawatshela ukuthi wakhokha u-R500 000 ukuze axhase umkhankaso kaMchunu wokuba ngumengameli we-ANC.
Njengamanje uMchunu usekhefini eliyisipesheli. UWitness C wathi uMatlala utshele amaphoyisa ukuthi waxhumana nomngani kaMchunu, uBrown Mogotsi, ukuze akhokhe uR500 000.
Selokhu laba khona leli jele azikho izigameko zokweqa esizike zabikwa. Izinga lezobuchwepheshe lisezingeni lomhlaba, uhlaliswa wedwa ngomnyama amahora angu-23.
Ilanga yinto ongayazi, kawuvakashelwa, uma unikwa ukudla kuphoswa ngaphansi kwesivalo.
Lapha-ke kukhona omalugaju nabadlwenguli. UThozamile Taki ula, u-Ananias Mathe wodumo lokweqa emajele wafike wagobeka inkani.
Umshokobezi waseNigeria uHenry Ochr waseNigeria uboshwe la. UGoerge Thomas obedubula eshushumbisa izidakamizwa naye useBongweni.
