ISundowns ibhubhudle iPirates kowamanqamu eMabhida

IMamelodi Sundowns inqobe i-Orlando Pirates ngo-2-0 emdlalweni wamanqamu we-MTN8 eMoses Mabhida Stadium eThekwini.

UTeboho Mokoena uvule igoli ngomzuzu ka-12, ngesikhathi iSundowns isebenzisa kahle isiphithiphithi ebhokisini lePirates.

UThabang Matuludi ubambe iqhaza elibalulekile ngesikhathi edlala ibhola ngesithende, kwalandela uMokoena obeke iqembu lakhe phambili.

IPirates izamile ukubuyela emdlalweni kodwa yathola kunzima ukudlula odongeni lwasemuva lweSundowns.

IBucs ithole ithuba elikhulu lokulinganisa ngemuva kokunikezwa iphenathi.

Kodwa unozinti weSundowns, uRonwen Williams, wenze umsebenzi omkhulu walivimba ibhola likaGamphani Lungu.

Lokho kubonakale kuyisikhathi esibalulekile kulo mdlalo.

Ngasekupheleni komdlalo, iSundowns ithole iphenalthi, u-Iqraam Rayners wayibeka enethini, kwaba ngu-2-0

Lelo goli liqinisekise ukunqoba kwe-Mamelodi Sundowns nokuphakamisa indebe ye-MTN8, kwathi iPirates yasala ibambe ongezansi.

Lisenethini

Marketing and advertising Call or WhatsApp 073 062 1169