UFly ugeqa amagula ngokwamxabanisa noDJ Sonic kwiGagasi FM

Philasande Luthuli

Owayengumsakazi kwiGagasi FM uSiyabonga Makhanya odume ngelika Flymotion ugeqe amagula ngokwamxosha emsakazweni.

UFlymotion ophinde abe ngusomahlaya wahlukana nalesi siteshi ngoMarch 2024.

Wayeseneminyaka eyisikhombisa eyibambe ishisa.

Ekhuluma kwiPodcast i-On Point With Sandy Nene udalule ukuthi into eyamxabanisa nowayesakaza naye uhlelo iMidday Connexion, uDJ Sonic, ukubanga ukusho kuqala usawubona kubalaleli.

“USonic watshelwa ukuthi uhlelo olwakhe, mina ngitshelwe ukuthi uhlelo olwethu. Uma sesihleli sidingida indaba yohlelo mina ngazi ukuthi olwethu. Manje pho yini ngizombangisa ohlelweni lwakhe?”

“Kanti vele indlela (abaphathi) abasuke beyisebenzisa ukuthi ningazwani ukuze uma bekuxosha wena kubonakale ukuthi uyabheda ubuzophazamisa. Ngeke uphinde ungifice emsakazweni angiwucabangi umsakazo angiwufuni,”

Ubhodla nje uFlymotion yingoba uthi isiteshi samncisha indondo iLiberty Awards.

“Ngabe ngiyinja, uClarissa ngike ngamzama ukumbiza ohlelweni lwami (Podcast), sengathi wabona kuyinto ebhedayo. Inkinga yakhe uma ngicabanga yingoba naye uphuma emsakazweni. Akafuni ukuba yiphimbo lesibili (second voice). Iphimbo lokuqala (first voice) yilo othi sanibonani engakasho omunye,”

“Iyabangwa kwalonto ukuthi ubani osho kuqala. Uyabona uma sekufika izinkontileka kubhalwe (second voice) kusho ukuthi uhlelo akulona olwami,” kuchaza uFly.

Kumanje unePodcast ethi yena njengoba engasafisi ukubuyela emsakazweni.

Marketing and advertising Call or WhatsApp 073 062 1169