UDoja Cat uvuke ngesoka okudala eliconsela amathe
INDODAKAZI yomlingisi uDumisani Dlamini isivuke ngesoka okwasa kudala iliconsela amathe.
U-Amala Dlamini nodume umhlaba wonke ngoDoja Cat emculweni ugcine uthole uthando kumlingisi uJoseph Quinn.
Lo mlingisi udlala kwiStranger Things ebukiswa kwiNetflix.
UDoja uzalelwe eLos Angeles kulezi zinsuku kubikwa ukuthi abasahlukani la behamba khona.
Kulokhu kuthiwa babonakele bezitotosa betetemuka eLondon, eDingwalls, lapho bekunedili lomculo.
IVideo elinayo iPurpose uQuinn ugaxe ingalo ngemuva kule ntokazi yakwaDlamini esinye isandla siphulula izinqe zikaDoja.
Kwenzeka konke lokhu bayazitendela emgaqweni yaseLondon.
Abazizi kancono bathi impela ingalo ka-Quinn (30) ibibambe ngqi ekaDoja (28) ngesikhathi bethamele umculo.
Emuva komcimbi kuthiwa babonakale endaweni yokucima ukoma eseduze bejabule.
UDoja uba sematheni nje bese beqalile abalandeli bakhe ukushaya amakhala ukuthi ucu alusalingani nesoka lakhe uJ. Cyrus elingusomahlaya.
UDoja onendondo kwiGrammy ngo-2002 wanameka isithombe sikaQuinn ezinkundleni zokuxhumana wase ebhala ukuthi : “Doja bheka ukuthi uQuinn ubukeka kahle kanjani,”.
Kuphinde kwavela ukuthi uDoja wake wazama ukuxhuma uzakwabo waQuinn kwiSranger Things ngo-2002 efuna ukuxhunyaniswa nesoka.
Sekuwumlando ukuthi uDoja umthole uyise esekhulile njengoba eqale ukumthungatha eneminyaka engu-14.
UDumisani Dlamini wahlangana nonina kaCat uDeborah Elizabeth Sawyer ngeminyaka yama 90’s bathola uCat nomfowabo emelamayo omdala. Bahlukana. Bakhuliswe unina eNew York naseCalifornia.
UDoja wathola usizo kuKhaya Dlanga. Ngokusho kwaKhaya wathola i-email kaDoja ngo-2010 ecela ukufuniswa uyise.
Nebala waxhuma olayini kwabe ukuhlangana kwakhe noyise.
