Kuxabene ubendle kuMasipala weTheku nemashi ngosuku ‘olukhulu’
Akwaziwa ukuthi iyozala nkomoni phakathi kwaMasipala weTheku nabahleli beMarch and March njengoba uMasipala uphakamise ukuthi kushintshwe usuku lombhikisho ngomhla ka-30 June 2026.
Imithombo yabezindaba ithole ukuthi njengoba iNingizimu Afrika ivivela lolu suku olungundabamlonyeni ngokunqunyelwa ugwayi katiki kwabokufika uMasipala ushaya amakhala.
UNkk Jacinta Ngobese-Zuma ongumholi wale nhlangano, ukhiphe isitatimende ethi, lo uMasipala uyala ukuba babhikishe ngalolu suku.
Noma kunjalo bazofinqa imikhono ukusukumela olokuchithwa kombhikisho abawuhlelile.
Esitatimendeni sakhe uNkk Ngobese-Zuma, uveze ukuthi bathole ukuthi umyalelo wokuchithwa kwesicelo sabo sokubhikisha, siqhamuke kwiMenenja kaMasipala, uMnuz Musa Mbhele.
Ezinye zezizathu okuthiwa zibekwe uMbhele wukuthi ukubhikisha kwabo ngalolu suku, kubeka engcupheni ezokuphepha eThekwini.
UNkk Ngobese-Zuma uthi bafuna incazelo ebhalwe phansi ngokuchi- thwa kwabo, wasabisa ngokutha- tha izinyathelo zomthetho uma isicelo sabo sigcina singemuke- lekanga.
Okhulumela amaPhoyisa kaMasipala weTheku, uColonel Boysie Zungu, uthe akulona iqiniso ukuthi basichithile isicelo sokuba babhikishe abeMarch And March.
Uthi babacele ukuthi bashintshe usuku abahlela ukubhikisha ngalo. Uthe basazohlangana nabo, badingide lolu daba.
Kwenzeke lokhu ngesikhathi kunesivimbamgwaqo ku-N3 eMooi River KwaZulu-Natal.
Kubanjwe amaloli amabili abathwele inqwaba yabantu okubalwa kubo abesifazane nezingane, ngemuva kokuthi abashayeli bezame ukubalekela amaphoyisa bengena emahlathini.
Kuso lesi sivimbamgwaqo ebesifakwe uMnyango wezokuThutha, ukuqashwa nabasebenzi noMnyango wezaseKhaya.
Kukuboshwe nabasebenza njengabashayeli bamaloli kuleli.
Iziphathimandla zithi le mikhankaso izoqhubeka esifundazweni sonke.
