INigeria ifuna uChidimma kuMiss Universe
Bahle Mkhize
UChidimma Adetshina (23) ushelwa yizwe okuzalwa kulo uyise iNigeria ukuthi azongenela umncintiswano kaMiss Universe.
“Sesikulandele konke okwenzekayo njengoba uhoxe nakuMiss South Africa, sinethemba ukuthi uhambo lwakho emncintiswaneni wazime lusasekude ukuphela. Leli ithuba lokumela izwe okuzalwa kulo uyihlo esigabeni somhlaba. Siyakugqugquzela ukuthi usicubungule lesi sicelo uphinde ube yingxenye yalo mmcintiswano,” kusho isitatimende.
NgoLwesine emini uChidimma wahoxa kulo mmcintiswano emuva kokuthola ingcindezi.
“Ngibonga kakhulu kubo bonke abantu abengesekile ohambweni, kodwa ngibona kuncono manje ngihoxe ngifisela bonke abangenele inhlanhla,” usho kanje phakathi kokunye.
Kwenzeka lokhu nje uChidimma ukhiphe isitatimende ngoLwesine emini ehoxa kulo mmcintiswano.
“Ngibonga kakhulu kubo bonke abantu abengesekile ohambweni, kodwa ngibona kuncono manje ngihoxe ngifisela bonke abangenele inhlanhla,” usho kanje phakathi kokunye.
Abaningi babonga uNgqongqoshe omusha wezamaCiko namaSiko uGayton McKenzie okunguye ofake ingcindezi enkulu ukuthi kuphenywe ibheshu.
Nebala uMnyango wezaseKhaya ukhiphe isitatimende ngoLwesithathu uthi kwenziwa ubugebengu kubhaliswa uChidimma eMnyangweni wezaseKhaya.
“Emuva kokuthola izikhalo sikhiphe lonke ithuluzi esinalo ukuzama ukuthola umnyombo. Sipequlule nemiqingo ekade yahlala, savakashela nasezibhedlela nasezindaweni ezithile ukuzama ukuqoqa ubufakazi. Ngesikhathi kwenzeka lobu bugebengu kwahlukumezeka umama waseNingizimu Africa owantshontshelwa umazisi njengoba engabange esakwazi ukubhalisa owakhe umntwana,” kusho isitatimende.
