Unqatshelwe ibheyili owokufika kwelokukhwabanisa uR260 million

Banikwe ibheyili i-Lenasia Magistrate’s Court abasebenzi abayishumi bakwa-SASSA abasolwa ngokukhwabanisa imali yesibonelelo engu-R260 million.

Ibheyili abanikwe yona iphakathi kwa-R10 000 kuya ku-R30 000 ngokuhlukana.

Nokho oyedwa wabasolwa wase-Ethiopia, odume ngokuthi ungu-Ebenezer wenqatshelwe ibheyili.

Laba basolwa bayingxenye yenqwaba ehlanganisa abasebenzi bakwa-SASSA abayisi-8 ababoshelwa ukuthinteka kwinkohlakalo.

Kule nkohlakalo ebiyenziwa bekwakhiwa ama-account nama-card ezipoki obekusetshenziswa ukukhipha imali obekumele ngabe iya kubantu abayidinga ngempela.

Uphenyo ngale nkohlakalo lusaqhubeka futhi izikhulu zomthetho sezibike ukuthi kusazoboshwa inqwaba.

Khonamanjalo amaphoyisa aKwaZulu-Natal asebophe ozakwabo abathathu abebesophikweni olulwa nodlale lwamatekisi.

Baboshelwe izinsolo zokukhokhelwa yibo kanye osomatekisi abebelandela amacala wabo.

Kuthiwa amaphoyisa asophikweni i-Serious Corruption Investigation ngaphansi kwe-Directorate for Priority Crime Investigation (DPCI) yiwo abophe ozakwabo ngoLwesithathu, mhlaka-11 emuva kophenyo olunzulu obelwenziwa buthule.

Amaphoyisa aboshiwe kuvele ukuthi ngoMadoda Mduduzi Mhlongo (56), Siyabonga Herbert Mabhida (51) no Prince Ntsikelelo Shezi (50).

NB: Marketing & Advertising WhatsApp/Call-073 062 1169