Kusolwa umbango kudutshulwa umakhosi esigodlweni
Iminwe ikhomba ezinye izimbangi kulandela ukudutshulwa ngoyaba lwezinhlamvu kwesangoma esigodlweni esigcemeni sakwa-Q, eMlazi.
Umufi uMnuz Sifiso Ndlovu udutshulwe ngabantu abebefika izikhawu kwakhe bezenza abantu abadibga usizo kuye.
ILanga lishicilele ukuthi umufi, uke waveza kwabasondele naye ukuthi ukuthi isimo kasisihle phakathi kwakhe nabanye abelaphi bendabuko angazange abadalule.
Umufi ubebuya ukuyokwenza umsebenzi wakhe wokwelapha abantu komunye umndeni, wabe esedlulela empophomeni, eyogeza ngaphambi kokuba abulawe.
Kunabafana okuthiwa bebelokhu bemzingela kuhle kwenyamazane, kulesi sigameko esenzeke ngeledlule.
“Ngosuku lwesigameko, kuvela ukuthi kunabafana abafikile emzini wakhe, bakhuluma nesiqashi, besibuza ukuthi ukuphi”
“Bachazeliwe ukuthi akekho, baqhubeka nokuhlala emgwaqweni, bemlindile. Kuthiwa baze bashiya inombolo yabo, benxusa ukuba bathintwe uma kwenzeka efika”
“Baphinde babuya okwesibili, kodwa ubengakabuyi. Bakuvezile ukuthi bafuna ukuhlola kuyena. Siyasola ukuthi yibona abathintekayo ngoba esigodlweni, imali kayithathwanga”
“Naye ubesamanzi, okufakazela ukuthi ubekade ephuma empophomeni, njengoba ebechazile ukuthi uzoqala khona”
“Ubesafake nomqhele ekhanda, ehleli phansi encikile, kungathi khona abemhlolela,” kusho umthombo weLanga.
Okhulumela amaphoyisa KwaZulu-Natal, uConst Thenjiswa Ngcobo, uthe amaphoyisa aseMlaza aphenya icala lokubulala emuva kokuba kudutshulwe kwabulawa owesilisa oneminyaka ewu-34 ubudala.
NB: Marketing & Advertising WhatsApp/Call-073 062 1169
