UNomzamo Mbatha ethatha ‘lento’ eNetherlands
Bahle Mkhize
UMLINGUSI wakuleli uNomzamo Mbatha uliphakamisele phezulu iflegi laseNingizimu Africa enqoba indondo emkhakheni i-Best African Actress.
Umcimbi anqobe kuwo i-Septimius Awards obuse-Amsterdam, eNetherlands.
UNomzamo uthole le ndondo ngendawo ayidlala emdlalweni iShaka iLembe yeNdlovukazi uNandi.
Lama-awards ahlelwa ezingeni lo mhlaba.
U-Desiree Markgraaf oyisikhulu se-Bomb Production ubalwa nabanye abahalalisele uNomzamo.
“Asibongele leli thalente eliyisimanga @nomzamo_m onqobe i-2024 Best African Actress @septimiusawards Amsterdam ngendawo yeNdlovukazi uNandi ayidlala emdlalweni iShaka iLembe.
Ephendula umyalezo ka-Markgraaf uNomzamo uncome iShaka iLembe njengomsebenzi omkhulisile njengomlingisi.
“Umsebenzi uyishintshe kakhulu impilo yami”, kusho yena.
Ithimba lalo mdlalo ilona elinqone izindondo eziningi kulo mcimbi njengoba noSheli Masondo ekhale wemuka nendondo ye-Best Costume Design emidlalweni kamabonakude.
I-season yesibili yeShaka iLembe iyaqoshwa kumanje, maduze izobe isikhangiswa njengoba izoqhubeka nendaba lapho uShaka efeza isiphrofetho sokuthi uyobusa izizwe.
Isikhulu esiphezulu kwa-Multichoice emkhakheni wezikaqedisizungu uNomsa Philiso uthe le nkampani izibophezele ekuxoxeni udaba lukaShaka iLembe.
“Ukumenyezelwa kwe-season yesibili yalolu chungechunge lo mdlalo kuqinisekisa ukuthi iyaqhubeka injongo yethu yokuhlonipha iqhawe, iNkosi uShaka,” kuphawula yena.
