Kusolwa umjolo kumfazi wenyanga yodumo eboshiwe
Philasande Luthuli
Uphiko lwamaphoyisa KwaZulu-Natal iPolitical Killings Task Team (PKTT) ibophe inyanga yodumo elokishini KwaMashu.
Iboshelwe amacala okukhanda itulo lokubulawa kwelunga le-ANCYL uThamsanqa Kingdom Gcabashe namaphoyisa amabili ayesebenzela umkhandlu weTheku uLindokuhle Madonsela noNdumiso Thusi.
Izisulu zabulawa phakathi kwaMay noJune eminyakeni eyisithupha eyedlule.
Laba basolwa abayisithupha okuhlanganisa nenyanga babekwe amacala ahlobene nokubulala.
UGcabashe wadutshulwa wabulawa ngaphandle komuzi wakubo kwaG Section, elokishini laKwaZulu-Natal eMpumalanga.
Nokho uphenyo lwathola ukuthi uGcabashe ufele ubala empeleni bekufuneka iphoyisa uLindokuhle Madonsela.
Aziphelanga amandla izinkabi emva kwamasonto amabili ngomhla ka-9 June 2020 zabulala uLindokuhle Madonsela noNdumiso Thusi beya esemsebenzini.
UThusi wayelanda uzakwabo inkabi ibaqeda ngesibhamu.
IThe Purpose ithole ukuthi kwakuqondwe uMadonsela esolwa inyanga ukuthi ujola nomfazi wayo.
Inyanga engungqondongqondo iboshwe ngoLwesihlanu kanti kulindeleke ukuthi ivele okokuqala eHammarsdale Magistrate’s Court ngoMsombuluko.
Abasolwa ababoshwa phambilini babekwa namacala uFana Shabalala, Zamokuhle Nyandu, Mthokozisi Ntando Blose, Holy Shozi noSandile Msezane.
Inyanga engungqondongqondo iboshwe ngoLwesihlanu kanti kulindeleke ukuthi ivele okokuqala eHammarsdale Magistrate’s Court ngoMsombuluko.
Marketing and advertising Call or WhatsApp 073 062 1169
