Ixoxwa ngezithombe eyobukhazikhazi bomcimbi iDundee July

Sihle Mkhize

INGQEPHU ibidida unwabu emcimbini womtelebhelo wamahhashi iDundee July obanjwa minyaka yonke.

Noma kunjalo amehlo abethe njo emjahweni wamahhashi okugcine kunqoba kuwo uMbayimbayi, eshaya intambo kwiDundee July Horse Race ngoMgqibelo.

Ihhashi ebelithwelwe ngeqoma u-Alpha & Omega waseMpumalanga akalibonanga elidlayo kulo nyaka.

Kuzokhumbuleka ukuthi umgibeli walo uLindani Dube wadutshulwa wabulawa.

UMelusi Gamede waseMondlo obegibele ihhashi uMbayimbayi ushayelwe ihlombe ekhala emuka nesamba sikaR350 000. Isibili sithathwe u-Ebenezer kwaba u-Eliya kweyesithathu waphela kanjalo umcimbi womjaho kwaqhuneka ezomjuxuzo.