Wenze adume ngazo uMpendulo kwiDundee July 2026

Sihle Mkhize

Likuphindile lokho ihhashi uMpendulo enza adume ngazo evikela isicoco owayesidle ngonyaka odlule kumtelebhelo wamahhashi iDundee July 2026.

Leli hhashi beligitshelwe uSiyabonga Mabasa waseMajuba ngoMgqibelo.

Umcimbi ubuhlelwe uMnyango wezeMidlalo, ubuCiko namaSiko ngokubambisana noMasipala wesifunda uMzinyathi nowaseNdumeni.

Ingqikithi yakulo nyaka ibithi “Elegantly African – KuLit”. 

Umacaphuna kusale uNala wenkampani yabangcwabi iMathole Funeral wenze isimemezelo ebesingalindelekile soxhaso luka-1 million kusuka ku-R700 000.

Angaphezulu kwa-200 amahhashi abeyingxenye yalo mjaho kusukela kwemincane.

Isifunda saseMajuba yiso esihambe phambili njengoba sidle imihlanganiso emine kwemihlanu emjahweni emkhulu.

Abathandi bomjaho nezihambeli azijatshuliswanga nje kuphela wukuthi isicoco asiphumanga KwaZulu-Natal, kodwa nemibusikso yenqephu ibidida unwabu.

Ihhashi elilale isibili uKhalelani obegitshelwe uDoctor Mbatha othole u-R220 000.

Isithathu uNsumansumane obegitshelwe uLwazi Nkosi okhale wemuka no-R100 000.

Owesine kwaba ihhashi Iphephandaba yena wahlomula ngo-R80 000.

Kwathi isihlanu kwaba uNxakanxaka obegitshelwe uSiphamandla Gama.

Marketing and advertising Call or WhatsApp 073 062 1169