Igidigidi iPolo likhiqiza 500 000 ozothunyelwa phesheya
Sihle Mkhize
Injabulo yodwa iVolkswagen Group Africa (VWGA) ihambela phezulu iqhiqiza izimoto ezingu-500 000 zePolo ezibheke e-United Kingdom.
I-UK ibalwa namazwe aphambili agijima ngale moto eyintandokazi kwabaningi.
Leli Polo lesi manjemanje lakhiwa eKariega kusukela ngo-2021, kuthatha cishe izinsuku ezintathu, izandla ezingu-1 985 kuhlanganiswa cishe amaphathi angu-1 400 ukukhiqiza le ntandokazi.
Isingaphezu kweminyaka engu-30, isizukulwane sesine esesiphume eKariega, nokuyizinkomba zokubheka phambili nomshikashika.
Kuzokhumbuleka ukuthi ekuqaleni kwalo nyaka iPolo ivotelwe njengemoto evelele “Best Small Car” e-Europe.
Ngonyaka ka-2024 iKariega ihambe yodwa kumazwe namazwe njengoba ibikwazi ukuthumela amaPolo cishe emazweni angu-38 kwimakethe yomhlaba.
Ngale kwalokho iPolo limenyezelwe yiCAR njengomnqobi esigabeni sezimoto ezincane kwi-2026 Top 12 Best Buys.
Kumanje iPolo liyintandokazi ngisho eMzansi, iVWGA isikhiqize 2 044 761 eKariega, u-596 631 udayiswe lapha ekhaya kwathi u-1 448 130 wathunyelwa ngaphandle.
IGermany ingelinye izwe elithenga kakhulu iPolo, ngenani elingu-124 711 kusukela ngo-2020 kuya ku-2026 kulandele emhlane i-UK ngo-113 171.
Unyaka ka-2026 uthathwa njengobalulekile kwa-VWGA njengoba beneminyaka engu-75 bakha izimoto eSouth Africa neminyaka engu-30 bakha iPolo eKariega.
“Ukufinyelela ku-500 000 sakha iPolo lesimanje kusho lukhulu kithina nakwithimba lethu,” kusho u-Ulrich Schwabe, VWGA ongumqondisi womkhiqizo.
“Leli banga likhomba ukuzimisela ubuchule ngokubambisana kubasebenzi bethu. Abantu bethu bazinikele iminyaka emgu-30 bakha futhi bethumela le ntandokazi yemoto kumakhasimende. La bantu bayisizathu zokuqhubeka kwePolo ukuthi ilokhu izindlela amahlanga lapha ekhaya naphesheya” kuqhuba u-Ulrich Schwabe
