Uvuleke amehlo uL’vovo ngezinqumo abezithatha empilweni
Sihle Mkhize
Umculi weKwaito uL’vovo Derrango olwa nempi yokululama uzehlisile wabonga bonke abantu abamesekile.
Sikhuluma nje unikelelwe imali esingaphezulu kwaR300 000 ngabantu baseNingizimu Africa.
Ukunikelelwa kwakhe kuza ngemuva kokukhuluma ohlelweni luka Linda Sibiya kwiGagasi FM ngeSonto eledlule.
UL’vovo wakhuluma waze wachiphiza izinyembezi exoxa ngokulahlekelwa yikho konke ayenakho waze wathutha eThekwini wabuyela ekhaya.
“Ngibonga kubona bonke abadlulise imiyalezo yothando, imikhuleko nokungeseka emuva kokuvakashela uLinda Sibiya kwiGagasi FM kanye noBishop Vusi Dube eThekwini Community Church”
“Ngibonga angiphezi naku Yenziwe Qiniso Ngubane oqale umkhankaso wokuthi kube khona abaphonsa esivivaneni ukuze ngilulame. Manje imali isifinyelele kuR300 000 futhi iyakhula”
“Kukhona izikhathi lapho khona ngangisuke ngingazi ukuthi usuku lwami lwangakusasa luzobe lungiphatheleni. Ubuntu benu bungikhumbuze ukuthi uNkulunkulu uyakwazi ukusondeza abantu empilweni lapho ngempela ubadinga khona”
“Ukusinda esifweni sohlangathi kungivule amehlo impilo ngayibuka ngenye indlela. Kungenze ngabheka izenzo nezinqumo engizithathile empilweni, abangani engihlangene nabo nezimo ebengingazikhalima kancono,”
“Akukhona ukushaya ibuya lokhu kodwa isiqalo esisha empilweni ngibe indoda encono, ngingaba khohlwa nabantu abame nami ebunzimeni,” kubonga uL’vovo Derrango.
Marketing and advertising Call or WhatsApp 073 062 1169
