Uyabhodla umlingisi oseke wadlwengulwa emsebenzini
Kubatshazwa isibindi sowayengumethuli wezezitimela oKhozini FM nosephenduke umlingisi uDkt Langalakhe Zwane osanda kugonyuluka ngokudlwengulwa.
UZwane oselingise kuMkhokha nakwiMbewu, udalule ukuthi wadlwengulwa ngumuntu wesifazane ayesebenza naye kwaLoliwe.
Lokhu ubukusho kwiPodcast, Radio & Stuff nakuba samehlela kudala lesi simo kodwa sengathi sisha uma exoxa ngaso.
“Ngathi ngidlula ehhovisi lomunye, wathi ‘sorry kancane webab’ uZwane ngicela udlule lapha. Ukhona yena. Uma ngithi ukhona ngiqonde ukuthi ungumuntu o-right. Ngidlule innocently.”
“Ngena, ngibuze ukuthi kwenzenjani Sisi? Avele awuvale umnyango akhiye. Athi yazi…siwu-2 la,”
“Njengoba siwu-2 la, kukhona into engiyifunayo kuwe manje. Uma ngingayitholi ngizomemeza, ngoba sisobabili futhi ukhiyiwe umnyango,”
“Ngathi akukhiyanga mina, kukhiye wena. Ngizothi ungikhiyele.”
UZwane, odabuka eMnambithi, uthe amahhovisi abo ayakhiwe ngemesonathi, okuyiplangwe okulula ukubhodlezeka ngokukhahleleka.
“Wavele wakhumula. Ngeke ngiqambe amanga. Yayisilima lento yavele yasukuma,”
“Kodwa inhliziyo inaleyonto ngoba akusiyo into engihlose ukuyenza kodwa ngoba ngizokwaziwa kabi la, ngimoshakelelwe yigama la. Ngathi angiyenze lento. Kwenzeka kanjalo.”
Ukhulume waze washintsha ebusweni kwangathi kuhlengezela nezinyembezi.”
“Akuzange kube kuhle yingakho kushintsha nomoya ngoba ngahlangana nento engekho yinhle kuze kube yimanje,” esho aze ahlangazele izinyembezi,”
Uthe akazange abike emaphoyiseni lesi sehlakalo ngenxa yokuthi wayesaba ukuthi uzophendulwa ihlaya ngoba amadoda ayahlekwa uma ebika amacala afuze lawa.
NB: Marketing & Advertising WhatsApp/Call-073 062 1169
