ITheku kweye-International Day of Yoga 2026
Sindiswa Nxumalo
ITheku seliphinde laqinisekiswa njengendawo esemthethweni kazwelonke eNingizimu Afrika yokugubha i-International Day of Yoga (IDY) emenyezelwe yinhlangano yezizwe ezimbumba (UN).
Umcimbi walo nyaka uzoba mhla ka-21 kuJune 2026 eDurban Amphitheatre.
Kulindeleke abantu abangaphezu kuka-5 000 ukuba bahambele lo mcimbi ohlelwa nguPrince Ishwar Ramlutchman Mabheka Zulu, ongumsunguli weSivananda World Peace Foundation.
Le nhlangano isineminyaka engu-12 ihola ukugujwa kwe-IDY eNingizimu Afrika, ikhuthaza i-yoga njengendlela yokuletha impilo enhle, ubumbano nokubambisana emphakathini.
Lo mcimbi usekelwe uhulumeni waKwaZulu-Natal oholwa nguNdunankulu uThamsanqa Ntuli kanye neNdlunkulu yakwaZulu.
Kusukela i-UN yamemezela i-International Day of Yoga ngo-2014, iTheku seliphenduke isikhungo esihamba phambili e-Afrika kwezeyoga.
Liheha izinkulungwane zabantu minyaka yonke futhi iqinisa ubudlelwano phakathi kweNingizimu Afrika neNdiya.
Marketing and advertising Call or WhatsApp 073 062 1169
