Abophe 250 wabokufika amaphoyisa evutha bhe

Aphelele Cebekhulu

Amaphoyisa akuleli avuke emaqandeni abopha kwasani oluphambene nemithetho akuleli.

Esifundazweni iGauteng abophe abantu bokufika abangu-250 kumkhankaso owaziwa nge-Operation Shanela II obuqhutshwa enkabeni eJohannesburg, eHillbrow, namhlanje ngoLwesine.

Lo mkhankaso uqinisa istilobho kwisifundazwe ngenhloso yokuphoqelela ukuthi imithetho yokungena kwabantu kuleli nenhlalonhle iyagcinwa.

UKhomishana waseGauteng, uLieutenant General Tommy Mthombeni, nguye obehola phambili lo mkhankaso eHillbrow naphakathi eJohannesburg.

Ngalesi sikhathi kuqhubeka lo mkhankaso okuboshwe kuwo 250 abangu-13 baboshelwe ukudayisa izidakamizwa.

Omunye umsolwa uboshelwe icala lokuzama ukubulala kwathi omunye waboshelwa elokudlwengula.

Amaphoyisa akhiphe izinhlawulo ezibalelwa kuR100 000 emacaleni ahlukahlukene kwabaphambana nemithetho yemigwaqo.

Abaseshi besifundazwe babophe abasolwa abebefuneka emacaleni angu-161 abandakanya ubugebengu kwabesifazane nezingane kuzosa kube uLwesine.

Ngokwesitatimende samaphoyisa athi inhloso yalo mkhankaso ukuqinisa ukulwa nendaba yabantu bokufika nobunye ubugebengu esifundazweni.

Bekuhlangene amalunga eSouth African Police Service (SAPS), Department of Home Affairs, Gauteng Traffic Police, Johannesburg Metropolitan Police Department, CommunityPolicing Forums (CPFs), nezinkampani zonogada ezizimele.

Marketing and advertising Call or WhatsApp 073 062 1169