Umsakazi weMetro FM uthandazela ukuthola ingane yentombazane kuzakwabo
UJABULE ufile umsakazi weMetro FM uSabelo “DJ Sabby” Mtshali emuva kokuzwa izindaba zokuthi sebezoba nomntwana wesibili noLindi ofunda izindaba.
Laba shadikazi bathandazela ukuthola intombazane.
ULindi Mtshali ezeva isisu kwiphotoshoot kwazise balindele umntwana nomkhwenyana wakhe uDJ Sabby 📸: Instagram
“Abantwana bayisipho esihle esiqhamuka kuMdali. Uyaqhubeka ongabonwayo ngokusibusisa nangokusithemba ngesipho sesibili,” kusho uDJ Sabby.
Ngonyaka ka-2017 bamukela umntwana wabo wokuqala umfana. Injabulo yayibhalwe ebusweni esibhedlela beqala ukuba nomntwana. Ngonyaka ka-2021 uSabby wathembisa uLindi umshado emuva kweminyaka eyisikhombisa bendawonye. Ngonyaka ka-2022 waletha umembeso.
“Abantwana bayigugu kuNkulunkulu. Sengizoba umama okwesibili,” usho kanje kwesinye isithombe asishuthe ezeve isisu.
Injabulo iyachichima emzini wakwaMtshali njengoba kuningi abakubungazayo. UDJ Sabby usanda kubungazwa njengomsakazi umkhulu kwizinhlelo zasekuseni kwiMetro FM.
USabby ubonga ithuba elikhulu anikwe lona kanye nabalaleli bakhe.
