UWalter Mokoena obesakaza kwaSABC enkingeni yezezimali
Liyah Singela
UBAMBA uyayeka owayengumethuli wezinhlelo zezemidlalo kwaSABC, uWalter Mokoena, ohlulwa ukukhokhela abasebenzi bakhe kwiThe Joburg Post.
Umsebenzi wenkampani wale nkampani eligodliwe igama lakhe ukumvikela, uthi okubacika tu yindlela uMokoena abaphatha ngayo uma sekumele kuholwe. “Ngiqale ukusebenza la ngonyaka odlule, okucasula abasebenzi yindlela uMokoena abaphatha ngayo uma sekuzoholwa. Uhlezi esishaya ngethembisa ekubeni sinezidingo ezidinga njalo imali ekupheleni kwenyanga, lokho sekuholele ekutheni abanye bethu badonse izinyawo ekusebenzeni” usho kanje.
UMokoena uzizamele impilo ngale nkampani ephaka izindaba kwi-internet.
Ukwehluleka kwakhe ukuholela abasebenzi izinyanga ezibalelwa kwezine sekuphoqe abasebenzi bakhe ukuthi bathi sekwanele.
Imithombo yephephandaba eliphuma ngeSonto iveze ukuthi Mokoena washayeka kakhulu kwezezimali ngesikhathi ephelelwa itoho ekubeni umeluleki kalowo obengu Ngqongqoshe wezobuCiko namaSiko, uMnuz Nathi Mthethwa.
Nokudivosa nonkosikazi wakhe Nosizwe oyindodakazi kaJacob Zuma nakho kuthiwa kwathela usawoti esilondeni.
UMokoena wenqabile ukuphawula eziseka ngokuthi lolu daba lusenkantolo.
