Sitholwe sidindilizile isidumbu sowase-Ethiopia, eNanda
Aphe Gcwabe
Sitholwe sidindilizile edamini legazi ngaphandle kwespaza isidumbu somuntu wokufika odabuka e-Ethopia.
Isigameko senzeke eMawoti, eNanda.
Lesi sidumbu sowesilisa obalelwa eminyakeni engu-24 ubudala sitholwe (izolo) ngoMgqibelo ebusuku sinamanxeba okudutshulwa angu-9.
Amalunga enkampani yonogada iReaction Unit South Africa (RUSA) babizwe ngokuphazima kweso sekuyoshaya u-9 emuva kokuzwakala ukuqhuma kwesibhamu.
Namaphoyisa athelekile afika sekumanele ukufa umufi.
Akwaziwa namanje ukuthi lo msila ubulaweleni.
Khonamanjalo, kwesinye isigameko esingahlobene nalesi kugwazwe umalume obethi ulwelwa umshana wakhe etarven eMhlasini.
Lo wesilisa oneminyaka engu-42 ubudala ugwazwe amanxeba abaningi nasemhlane.
Kuthiwa uzidalele amazinyo abushelelezi emuva ngokuqonda amadoda amabili ewabuza ngokuhlukumeza umshana wakhe wentombazane.
Ngalesi sigameko senzeke ngoMgqibelo ebusuku.
Nakhona kubizwe inkampani yonogada iRUSA ngosizo lweWard Councillor sekukubi.
Onogada bathole ukuthi lo wesilisa uye etarven ehamba ethungatha lamadoda ebephuthaza umshana wakhe ezindaweni ezibucayi ngesikhathi eziphuzela utshwala.
Kuthiwa lesi senzo siwadinile lamadoda abesevele ezidakelwe.
Balwile, bamgingqa phansi qede bamngenela ngommsese bemgwaza bephindelela.
Izixongololo zabantu kule tarven bese zingabambeki kunobuwelewele okudale ukuthi abezimo eziphuthumayo bangakwazi ukumhlenga endaweni yesigameko.
Abakwenzile ukumphuthumisa umgilwa esibhedlela esisendaweni.
NB: Marketing & Advertising WhatsApp/Call-073 062 1169
