OweSibaya okhishwa endlini unqobe umzuliswano wokuqala
Liyah Mseleku
Owayengumlingisi weSibaya uGcina Mkhize unqobe umzuliswano wokuqala wokuzama ukugwema ukukhishwa emzini wakhe.
UGcina wayengumlingisi oqavile edlala indawo kaKhanyisile Majola-Ndlovu ubevele enkantolo kaMantshi eBooysens ngoLwesine eGoli.
Kulokhu, inkantolo ivune yena yavumela ukuthi udaba lwakhe lulalelwe ngomhla ka-5 February 2026.
“Inkantolo ivume ukuthi isicelo sidluliswe. Lokhu kuzonginika isikhathi esanele sokuthi ngixhumane nommeli ozongisiza kule nkinga yalo muzi”
“Ukunqoba okungatheni lokhu, ngeke size size sithi sijabule kangako. Okuhle wukuthi okungenani ngiyazi ukuthi mina nabantwana bami ngeke sibe semgaqweni ngesikhathi zamaholidi”
“Ngomhla ka-5 February 2026 ngibuyela enkantolo angazi ukuthi ngivumelekile yini ukugeqa amagula ngobekwenzeka enkantolo kodwa okubalulekile ukuthi sinikwe igunya lokudlulisa icala,” usho kanje.
Kuke kwaba nengebe yokuthi uGcina angase abe ngumtshingo ubethwa ngubani ngalamaholidi emva kokuthi usomabhizinisi uDzivhu Tevin Mashila kubikwe ukuthi uthenge louzi ngo-October 2023 endalini.
“Ngikulungele ukulwa ngakho konke enginakho ukugcina umuzi wami ungakimi. Angifuni ukuqamba amanga okuthi nginemali yokuqasha ummeli kuleli cala kodwa ngikholwa ukuthi uNklulunkulu ungakimi”
“Amadlizi wami angakimi njengoba ngilwela lo muzi abamgibusisa ngawo,” usho kanje.
