Kuthunjwe kwadlwengulwa umfundi eNanda ogcine ngokuzibulala
Ushone esebabhalile phansi amagama abesilisa abamdlwengulile umfundi waseMakhapha Secondary School.
Umgilwa u-Athabile Khanyi (17) waseMaphephetheni, eNanda, obefunda ugrade 11.
Kuthiwa uvelelwe umshophi wokuhlangana negenge esebenza ematekisini yamgxisha izidakamizwa yamthumba yamdlwengula ishintshana ngaye.
IPurpose ihoshe umoya wokuthi esinye sezizathu esiholele ekutheni u-Athabile akhethe ukuzibula wukuthi ekhaya kubo bebethi uziphumela kwamathanda nhliziyo.
“Ingane ithe ifika ekhaya, ichaza ngokuyehlakalele, abayikholwanga, bathe izophumela ezindaweni zayo, isiqamba amanga.
‘Ngicabanga ukuthi ingane ukube bayinakile ekhaya, yathola usizo ngabe ayifikanga kulesi snqumo esithathile” kubhala uNsizingi Ekhala Igijina kuFacebook.
UNokuthula Cele weCivic Society Forum elwisana nokuhlukunyezwa kwezingane kule ndawo uthi umufi ushiye incwadi ebhalwe wonke amagama abo ukuthi ngobani.
“Lo mntwana wathathwa yilaba bafana bayomthumba bamdlwengula beshintshana ngaye.
“Ingane mayibuya ekhaya yachaza lesi simo. Emva kwalokho yaphuza amaphilisi”
“Uma iyiswa esibhedlela ikwazile ukubona oyedwa walabo scabha yamkhomba zehla mi”
Ishiye incwadi iwabhale wonke amagama wabo ukuthi ngobani labo. Lishone elango Lwesithathu eseboshiwe oyedwa wabo”
“Sifuna kwenziwe ulibofuzo ukuze livele lonke iqiniso ngoba ohlukunyeziwe usezibulele. Ibuhlungu into eyenzeke kule ngane sicela ubulungiswa,” kusho uNokuthula emthonjeni yabezindaba.
Selokhu sazalwa kukhalwa ngeNanda. Indawo enjani le. Sengathi bangajeza labo skhotheni baseNanda abangapheli, dudu emndenini” kubhala uHlomla Ngidi ezinkundleni zokuxhumana.
NB: Marketing & Advertising WhatsApp/Call-073 062 1169
