Kutholwe inqwaba yempahla ebizoshushumbiswa eZim
Bahle Mkhize
AMAPHOYISA akwaZulu-Natal asebenzela esiteshini iPlessislaer, eMgungundlovu, avundulule inqwaba yemphahla entshontshiwe.
Kumsolwa abantu baseZimbabwe abebeqashe umuzi ukugcina lezi zimpahla ezebiwe bese beziwelisa umgcele.
Le mpahla enhlobonhlobo kubalwa kuyo izinsimbini zezimoto, ifenisha, inyufomu yamaphoyisa, zingubo nokunye okuningi obekuzothuthelwa eZimbabwe naseMozambique.
Lesi sigameko sishiye abantu base eDendale, eMgungundlovu, beshaqekile ukubona impahla ebingagcwala amaloli iphuma kulo muzi.
Khonamanjalo uNdunankulu wakwaZulu-Natal uMhlonishwa uThamsanqa Ntuli ugasele emafemini akhelene neNewcastle ngaphansi kohlelo ‘๐ข๐ฝ๐ฒ๐ฟ๐ฎ๐๐ถ๐ผ๐ป ๐ฒ๐ป๐ด๐ฎ๐ป๐ด๐ฒ๐ป๐ถ ๐ป๐ด๐ฒ๐๐ฎ๐ป๐ด๐ผ ๐ถ๐๐ฎ๐ณ๐ผ๐ต๐น๐ฎโ lapho kuficwe khona abantu abangaphezulu kwekhulu abakuleli ngokungemthetho.
Lokhu ukwenze ngenkathi kuqhubeka imbizo yokulwisana nobugebengu ebibanjelwe enkundleni yezemidlalo Osizweni, eNewcastle.
Kwenzeka lesi sigameko nje uNdunankulu ehambisana noKhomishana wamaphoyisa kwaZulu-Natal, uLt General Nhlanhla Mkhwanazi ezinsukwini ezimbili ezedlule bavundulule isizinda esigcina ukudla okonakele eBluff nosekulinde ukusatshalaliswa ezindaweni ezihlala abantu emalokoshini.
Phakathi kwempahla evundululile esidlulelwe isikhathi kubalwa amathini kafishi, amadrinks, amasoya beans, amaspices nokudla kwezingane.
Ekhuluma nabezindaba uMkhwanazi uthe bafuna ukuthola ukuthi lezi zimpahla bezithengwe ubani ukuze zifike kuleli.
โUmuntu esimdinga kakhulu yoliwo ozithengile. Siphenya nokuthi uma zisuka lapha bezizoya kuziphi izindawo. La kutholakala ukudla okonakele, kuhlanganiswe okudliwayo nokungadliwa. Lezi zimpahla azikhokhilwe intela, futhi azihlolwanga ngabezimpilo,โ usho kanje.
