Kuheleza umoya wothando kosaziwayo abamelwe idivosi
Kwande kaZikiza
KUSOLAKALA ukuthi sebexolelene uDJ Black Coffee nomama wezingane zakhe uMbali Mlotshwa obuye aziwe ngo-Enhle Mbali.
Kuzokhumbuleka ukuthi labosaziwayo bake baba sematheni ngesikhathi kuvela ukuthi bayadivosa kulandela izinsolo zokuthi u-DJ Black Coffee ubenomakhwapheni.
UMbali wafaka incwadi yesihlukaniso ngo 2019 ngemuva kweminyaka engu-8 beshadile.
Indaba yabo bekuphuzwa ngayo itiye ezinkundleni zokuxhumana kwazise uMbali wake waveza ukuthi indlu ahlala kuyo nezingane zakhe ayinagesi.
Kukhulunywa nje udaba lwesehlukaniso lusenkantolo, kanti isinqumo asikaphumi.
Okwenza kusolakale ukuthi sengathi kukhona ukuthelelana amanzi, isithombe sabo bobabili nendodana esifakwe uMbali ku-Instagram.
Ubize uBlack Coffe ngoDad okuyinto ehumushwe abaningi ngokuthi hleze kukhona ukuxolelana okwenzekile. UMbali ubonge uBlack Coffee ngokuthengela indodana yabo imoto yokudlala imidlalo yokuqhudelana (racing).
“Guess who’s back at racing. Thanks #Dad.”
Kusolwa eyokubuyelana nje lo mlingisi ngonyaka odlule waba sematheni esolwa ngokujola nomngani wakhe omkhulu uJarred Doyle.
Lokhu kwasuselwa esithombeni asifaka egqoke ibikini ebambene izandla bentaza ngesikebha kubonakala bejabulile.
UDoyle ungusaziwayo novamise ukukhulumela abanye osaziwayo abasemkhakheni kaqedisizungu.
Ngenxa yegidigidi kubantu abahlale besezinkundleni zokuxhumana, uMbali waphoqeleka ukuthi acacise kabanzi ngalesi sithombe. Wathi “angeke ngifake isithombe somuntu engithandana naye,”
