Kufuneka uMsamariya ekuvuseni ikhaya lobesakaza oKhozini
Philasande Luthuli
Kuthinteke abalandeli baZamaweza “Zulu Glamour” Mthalane obethula isigatshana Ezisegudwini ohlelweni iSigiya Ngengoma oKhozini FM.
UZulu Glamour ozalwa eMabomvini, KwaMaphumulo washonela esibhedlela iPixley kaSame ngoMarch kulo nyaka, emuva kokukhala ngokuphathwa yikhanda.
“Umoya wami uthinteke kabuhlungu namhlanje mangithunyelelwa omunye wabasondelene kakhulu noZulu Glamour lezithombe ezinsukwini ezedlule”
“Bekuneschotho lapha ngakithi kwaphephuka izindlu kubo ka Zulu Glamour”
“Ukucacisa nje kancane lendlu kaRound engaqediwe yayakhiwa uyena uZulu Glamour”
“Esathi uyaqala uvusa ikhaya nakhoke uJehova esemthatha. Kuhlala ugogo (her mom) nabantwana baZulu Glamour”
“Ngiyacela ongaba nosizo angenelele kulesi simo ikakhulukazi nje othayela bophahla nokunye okungatholakala” kubhala uMinenhle Ngubane ezinkundleni zokuxhumana novela endaweni efanayo nomufi kwaMaphumulo.
Lo phuma langa sikothe wentokazi ubusuzakhele udumo nasendimeni yomculo kamaskandi.
Umufi udlule emhlabeni esibhedlela iPixley kaSame.
“Ungifonele wangazisa ukuthi uphethwe yikhanda ngamluleka ukuthi akaye esibhedlela nokuyinto ayenzile.
“Uye emtholampilo bamdlulisela esibhedlela nokuyilapho etshelwe khona ukuthi unesifo se meningitis. Ukugula kumqinisele wagcina ngokuphelela khona esibhedlela,” kulandisa uMthalane.
Umfowabo kamufi uthe bebesalindele lukhulu kadadewabo njengoba ubebonakala eza kabi kwezokungcebeleka
Lentokazi ibisizakhele udumo nangokupheka abaculi bakamaskandi ngemibuzo kuYouTube Channel ebizwa ngoMbuso Wamaciko TV.
Ngaphandle kokupheka abaculi ubebuye athule uhlelo emicimbini ehlukahlukene okuhlanganisa kuyo neGcwalisa Spring Picnic.
Abantu abaningi bazomkhumbula ebambe iqhaza kuSigiya Ngengoma engosini eyaziwa ngokuthi Ezisegudwini.
Akagcinanga lapho njengoba nasohlelweni lomculo obelusakazwa wuTshatha Ngobe noNtombee Mzolo kuMzansi Magic Music, iYash’Ingoma ubegila ezibukwayo.
