Kubikwa uzamcolo wemvula ongase udale umonakalo eKZN

Liyah Mseleku 

KUBIKWA imvula enkulu nengase idale umonakalo ezifundazweni sakwaZulu-Natal.

Abakwa-South African Whether services bakhiphe isixwayiso sika Yellow Level 2 sezimvula ezinamandla nezingadala izikhukhula.

Lezi zimvula kulindeleke ukuthi ziqale kusasa ngoLwesine kuze kushaye uLwesihlanu liyidliva.

Lezi zimvula kubikwa ukuthi zingase zidale umonakalo kulezindawo ezilandelayo.

Abaqulusi, Alfred Duma – Indaka, Alfred Duma – Ladysmith, Big Five Hlabisa – Hlabisa, Big Five Hlabisa – Huhluwe, Dannhauser, Dr N. Dlamini-Zuma – Underberg, eDumbe, eMadlangeni, Endumeni, Ethekwini, Greater Kokstad, Impendle, Ingwe, Inkosi Langalibalele – Escourt, Inkosi Langalibalele – Sobabili, Joini, KwaDukuza, Mandeni, Maphumulo, Mkhambathini, Mpofana – Giants Castle, Mpofana – Mooi River, Msinga, Mthonjaneni, Mtubatuba, Ndwedwe kanye nase Newcastle.

Ngenyanga edlule iPurpose yabika ngokushona kwabantu abayisithupha ezindaweni ezahlukene ezingaphansi kwaMasipala weTheku.

Lo zamculo wana izinsuku ezimbili.

UMkhandlu weTheku waveza ukuthi phakathi kwabantu abashonile kubalwa owesilisa oneminyaka engu-45 nowesifazane oneminyakanga engu-41 okwavela ukuthi bacindezelwe wudonga lwendlu abebekuyo ngesikhathi kwenzeka lo mshophi.

Umndeni wakwaMsomi e-Adams awusalanga ngaphandle njengoba nawo walinyalelwe amaliba amane aguguleka ahamba namanzi ngesikhathi imvula iyidliva.

Irenki yamatekisi namabhasi eNewcastle yona yagcwala amanzi.

Amanye amabhizinisi agcina engavulwanga ngenxa yokwesaba ukwanda kwezikhukhula edolobheni.