Kubatshazwa ukushona ngokuzuma kwa ‘Tsosti’
Philasande Luthuli
Akasekho emhlabeni umlingisi wakuleli ongaconsi phansi kwabaningi noseqoqe izindodo uPresley Chweneyagae (40).
UChweneyagae udume kwifilimu eyanqoba indondo ye-Oscar, iTsotsi nasemdlalweni owuchungechunge iThe River.
Ubedlala indawo ephambili nasemdlalweni iCobrizi kuMzansi Magic.
Uzalelelwe eMafikeng waduma umhlaba wonke eneminyaka engu-21 ngefiliku yodumo iTsoti.
Kuzokhumbuleka ngendondo iBest Foreign Language Film eyanqotshwa yile filimu ngo-2005.
Chweneyagae waqeqeshwa ezikhungweni okubalwa iNational School of the Arts, Market Theatre Laboratory, nase Artist Proof Studio ngaphambi kokuthi adume umhlaba.
Kweminye imidlalo ayilingisile kubalwa iMandela: Long Walk to Freedom, neNumber Number.
Umndeni uthembise ukuphefumula uma usufikile lapho bekuhlala khona umufi ePitoli.
UNobhala jikelele we-African National Congress (ANC) usebhodle emswaneni njengeningi ezinkundleni zokuxhumana.
“Kuphuke inhliziyo ukuzwa izindaba zokudlula emhlabeni kwPresley Chweneyagae. Usondonzima eNingizimu Africa kwezeshashalazi. Igama lakho liyohlezi limile kwiTsotsi, The River, and nakwezinye imidlalo.
“Lalani ngenxeba nina bomndeni, abangani nabobonke abathintekayo,” kududuza uMbalula.
“Ukhozi FM ludlulisa amazwi enduduzo emndenini, abangani kanye nakade esebenza nabo uMnu Presley Chweneyagae. Alwehlanga lungehliyo” kuphawula uKhozi.
Umndeni kaPreseley Chweneyagae uveze ukuthi lo mlingisi uzishonele futhi nabo abasoli lutho.
Likhuluma nezintatheli ilungu lomndeni lithe, uPresley ube nenkinga yokuphefumula.
“Amanye amalungu omndeni abe esebiza i-ambulance, ngebhadi usuku lwakhe beselufikile,” kulandisa leli lungu.
Liqhubeka lithe, uPresley uzofihlwa ngoMgqibelo ozayo.
Kuzokuba khona inkozo yesikhumbuzo ezokuba seMahikeng, eNorth West enye ibe sePitoli.
NB: Marketing & Advertising WhatsApp/Call-073 062 1169
