Uvuswe kwabafileyo uNkonyane webandla lamaZayoni
Liphume nobomvu kumbiwa isidumbu sikaMengameli webandla lamaZayoni iNyonini Mission, uBishop Thamsanqa Nkonyane, eNewcastle.
Beesingcwatshwe egcekeni lesonto eMission isinyelela yisancinza.
Kuvela ukuthi isidumbu sangcatshwa ngobumnyama ufihlelwe umndeni.
Inkantolo ephakeme eMgungundlovu ithe asimbiwe singcwatshwe inkosikazi endala uNkk Dolly Nkonyane.
UMengameli uNkonyane wayeshonele eThekwini kwisancinza sakhe, uNkz Sizeni Khuzwayo-Mazibuko okuthiwa wayekipite naye iminyaka engaphezulu kuka-20.
Ngomhla ka-6 June kwasabalala amahlebezi okuthi umndeni kaNkonyane uthe mawuvula isidumbu wafica amatshe ebhokisini.
Lokhu kulandela ukuthi incwadi ephuma enkantolo iphoqe ukuthi umiswe umngcwabo kulandela umbiko wokuthi kunombango.
I-Icebolethu Group okwakuyiyo eyayingamele umngcwabo yakhipha isitatimende iphikisa izinsolo ezisabalale ezinkundleni zokuxhumana mayelana nomngcwabo kaNkonyane.
Le nkampani ithe iwenzile wonke umsebenzi womngcwabo ngendlela futhi ngokuhambisana nemithetho nemigomo yemboni yezingcwabo.
Ngokwesitatimende esikhishwe ngoLwesibili, mhlaka 9 Juni 2026, i-Icebolethu ithe akukho lutho olungajwayelekile olwenzekile ngesikhathi somngcwabo.
Inkampani iveze ukuthi umzimba kamufi awulahlekile njengoba kusolwa, futhi wangcwatshwa ngumndeni ngokwentando yawo.
Iphinde yaphika imibiko ethi kwakukhona izitini ngaphakathi ebhokisini lomngcwabo, yathi lezo zinsolo azinasisekelo futhi zidicilela phansi isithunzi sikamufi, umndeni kanye nebandla.
Ngokusho kwe-Icebolethu, isidumbu sikamufi salethwa emzini womndeni ngoLwesihlanu, mhlaka 5 Juni 2026, ngokwesicelo somndeni nangokulandela imigomo yenkampani.
Ngosuku olulandelayo, ngoMgqibelo mhlaka 6 Juni, izinhlelo zomngcwabo zaqhubeka ngendlela evamile.
Udaba njengoba lugcine ePietermaritzburg High Court yilapho unkosikazi omdala ethole igunya lokugcina kokungcwatshwa kwaNkonyane ngokusemthethweni.
Marketing and advertising Call or WhatsApp 073 062 1169
