Kubalwa izinsuku kowe-Africa’s Travel Indaba 2025
Sihle Mkhize
Sekubalwa izinsuku kusuke lokho njengoba iTheku lizophinde lingamele umbukiso wokuhwebelana kuleli zwekazi i-Africa’s Travel Indaba 2025.
Lo mbukiso uqala ngomhla ka-12 uphele ngo-15 Meyi.
Akubuzwa ukuthi iTheku lizohlula kwezokuvaksha njengoba kulindelwe izinkumbi zabantu abazobe beqhamuka e-Africa.
Kulokhu kukhule nesibalo esilindelekile uma uqhathanisa nangeminyaka edlule.
UNgqongqoshe weZokuvaksha uPatricia de Lille wayekhona ngesikhathi kuvulwa lo mbukiso ngokusemthethweni.
“Siyabona isibalo sabantu sikhula mawala kule Africa’s Travel Indaba 2025,”
“Njengamanje sinamazwe angaphezulu kwangu-26 azoba yingxenye yalo mbukiso nokuhlanganisa iNingizimu Africa,”
“Sikuqaphelile nokuthi kunokushintshisana ngemikhiqhizo kulo lonke leli zwekazi,” kunaba de Lille.
“Ugqozi luqhamuka ezimakethe ezinkulu okuhlanganisa i-United States, China, United Kingdom ne-India. Eqinisweni abalelwa ku-55 wamazwe avelayo ohlwini lwabathengi,” kusaqhuba uPatricia de Lille.
Ngonyaka odlule kwakheka amathuba omsebenzi abalwelwa kwinkulungwane.
Kwaqashwa intsha, abafundi nosomabhizinisi kulokhu kubhekwe lukhulu.
“Ngonyaka odlule bacela kwisigidi abantu abaqhamuka emhlabeni jikelele abavakashela eNingizimu Africa. Bangu-76% ababevela e-Africa,” kuphetha ude Lille.
