ISilo sehlise emthini inkosi uZondi eNdlunkulu
Sihle Mkhize
Seligawulile izembe, iSilo uMisizulu kaZwelithini sehlisa emthini inkosi uMelusi Zondi ebinesikhundla esimqoka eNdlunkulu.
Inkosi uZondi ubeqhoqhobele isikhundla sokuba iRoyal Chancellor engumxumanisi wendlunkulu amakhosi ezwekazi lase-Africa nokunye.
Incwadi ekhishwe kusihlwa ngoLwesihlanu evela ehhovisi likaNdunanlulu kwaZulu ikuveze ngokusobala ukuthi lesi sinqumo sithathwe emuva kokuhlala phansi kwacuntshungulwa konke.
Inkosi uZondi ongumacaphuna kusale wazakhela ugazi kwiSilo eyokhothama ngekhulu lezinkomo.
Kanti akaconsi phansi kosaziwayo abaningi njengoba ebathengela izimoto zikanokusho sengathi izinkwa.
Phakathi kwabo uPhakel’mthakathi nosihlalo mawadriving schools eKZN uMzwandile Zondi nabanye.
“Siyabonga kuMnuz Zondi ngakwenzile asasenathi,” kusho isitatimende.
Akusiye yedwa njengoba noMnuz Nododile Ndamase ekhale ngaphansi kwebhasi. Yena ubeyiChief Director ehhovisi leSilo.
Nakuye kuthiwa amathuluzi okusebenza akawabeke phansi manje hhayi kusasa.
UZondi usanda kuba sematheni kulezi zinsuku ngezinsolo ezibucayi.
Uxoshwa nje iNews24 isanda kuveza ukuthi uphazamisa inkampani yokwakha iStefanutti Stocks eyifuna imali yokuvikela ngo”dli”.
Kuthiwa wayekwenza lokhu nje kuvele kunenkampani egadayo.
Marketing and advertising Call or WhatsApp 073 062 1169
