Inkantolo iyalelele iShowmax ukuvala iziqephu zocansi zikaGigaba
Inkantolo ephakeme iJohannesburg High Court iyalele ukuba kumiswe isiqephu ebesizovezwa ku-Showmax.
Lesi siqephu sineziwombe ezidalula impilo yezocansi kaMnuz Malusi Gigaba oyilungu lephalamende elimele i-ANC.
Kulesi siqephu kuvela obengunkosikazi kaGigaba uNksz Norma Mngoma exoxa kabanzi ngezigameko zokwenziwa kocansi phakathi kwakhe noGigaba kanye nabanye besifazane (uGigaba) abelala nabo embhedeni owodwa.
NgoLwesibili uMnuz Gigaba uphuthume enkantolo ukuyofaka isicelo esiphuthumayo sokuthi singadlalwa lesi siqephu.
Esiqeshini esithi ‘Untied’ uNoma udedela amabhomu ngobengumyeni wakhe.
Uchaza ngendlela abethanda ngayo ucansi, okuthinta ukuntshontshwa kwemali yabakhokhintela nokunye okuningi okushaqisayo.
Kulolu hlelo labo asebadivosa nabayeni babo bathola ithuba lokuneka konke okwenzeka emshadweni yabo.
Uhlelo lwethulwa uRelebogile Mabotja onguprojusa ohlonishwayo nosenqobe izindondo eziningi ngokuba umethuli wezinhlelo.
Phakathi kosaziwayo abakhona kulolu hlelo uNorma Mngoma, uBeverly Steyn noNonku Williams abadlala ohlelweni iReality TV, abalingisi uDawn Thandeka King, Mona Monyane nosomabhizinisi uPalesa Madisakwane, Zandi Nhlapo noSonia Booth.
Bahlukana kabuhlungu njengoba uNorma waba ngomunye wofakazi kwiZondo Commission eyayiphenya ibheshu labo ababethinteka ekukhwabaniseni imali yabantu bakuleli beyidla nezimpunyela zakwaGupta.
Ngesikhathi besathandana kumnandi, babengapheli emaphepheni emigosi njengoba kwakuvela ukuthi uGigaba uyamjolela uNorma.
NB: Marketing & Advertising WhatsApp/Call-073 062 1169
