Ibheyili ka-R50 000 kwisikhulu esibanjwe nensanda yemali

Amaphoyisa aqinisekisile ukuthi isikhulu esiphezulu seJohannesburg Social Housing Company (Joshco) uThemba Mathibe ukhishwe ngebheyili kaR50,000.

Lokhu kuza emuva kokuvela kwakhe e-Alexandra Magistrate Court, lapho ebhekene khona necala lokushintshisana ngemali okungekho emthethweni.

Lesi sikhulu siboshwe emuva kokuthi sitholwe nesamba semali engadalulwanga.

UMathibe (28) nowayeyilunga le-ANCYL, waboshwa ngoMsombuluko emuva kokuthi abomthetho begaleleke kwakhe.

Kusolakala ukuthi uMathibe ubebamba imihlangano nosonkontileka, abaphenywayo ngezinsolo zokugwazela amathenda.

Kuphinde kwaphenywa nasemahhovisi ezindlu zoxhaso, lapho uMathibe eqokwe khona ukuba athenge impahla yokwakha.

Kutholakale nezinkontileka ezisolisayo ezihlanganisa abaphathi bedolobha.

UMathibe osehole iJDA kusukela ngoJune-2024, aphinde ahole inkampani iJohannesburg Social Housing.

Lo msolwa kulindeleke ukuthi abuyele enkantolo ngomhla ka-6 February kulo nyaka.