Esinye isiguli esingeniswe kwi’Madlanga Hospital’

Inhloko yophiko lwamaphoyisa isishaye izitayela ezivamise ukushaywa abaningi abasuke belindeleke ukuthi bavele kuMadlanga Commission.

U-Andrea Johnson oyi-Investigating Directorate Against Corruption (IDAC) akalubhadanga ukuyohendula imibuzo.

Ummeli wakhe uBhodlani uveze ukuthi usephuthunyise esibhedlela ngesifo esingadalulwanga.

Namhlanje bekufanele avele phambi kwale Khomishini ekuseni ngoMsombuluko.

Ubufakazi bakhe bebubhekwe ngabomvu njengoba kuvela ukuthi kukhona abangakwenzanga ngendlela odabeni oluthinta isikhulu samaphoyisa General Feroz Khan.

Ummeli wakhe utshele iKhomishini ukuthi uthole ucingo kunogada kaJohnson.

Uthi ubemazisa ukuthi uJonhson usephuthunyiswe esibhedlela. Uhlinzeke iKhomishini ngencwadi kadokotela.

UMadlanga uyigxekile le incwadi, wathi ayinamniningwane, iyefana nje nezinye abejwayele ukuzithola.

Ngomhla ka-29 June iPurpose yabika ngokusinda ngokulambisa kwaMajor General Khan eHoughton, eGauteng, ngeSonto ebusuku.

Kuzokhumbuleka ukuthi uKhan usematheni njengoba bekumele avele kuMadlanga Commission.

Nokho kuthiwa wasinda ngokulambisa njengoba angeniswa eMilpark Hospital.

Kubikwa ukuthi wayeshayela kuThird Avenue, eHoughton, ngesikhathi oshayasibhamu behamba ngeMercedes Benz emhlophe beza kuye bemhlasela.

UKhan wayebuyela ekhaya lakhe eliseduze nendawo yesehlo ngemuva kokubuka ibhola lapho bekudlala khona iBafana Bafana neCanada.

Akuyena kuphela kunabanye abaningi abasenzisa leli qhinga ukubalekela iMadlanga Commission.

Marketing and advertising Call or WhatsApp 073 062 1169