Asekuphindile lokho amaphoyisa ebulala umsolwa eMarrianhill
Bahle Mkhize
ASEKUPHINDILE lokho amaphoyisa akwaZulu-Natal, eThekwini, edubula ebulala umsolwa eMarrianhill.
Umsolwa umataniswa namacala okufuna imali kubantu ngo “dli” namanye amacala abucayi.
Ngilithola kwePurpose amaphoyisa abeyombopha uwabingelele ngenhlamvu aphindisela nawo wadubuleka wafa.
kuMaphorisa abephume inqina ukuyombopha kubalwa iSAPS KZN Stabilisation Task Team, eThekwini District Trio Tracking Team, SAPS CI ne-ET Security.
Bathole isibhamu kumsolwa evuma kokumbulala.
IMarrianhil ayiqali ukuba sematheni ngoSeptemba 19 iPurpose yabika ukuthi
Amaphoyisa akwaZulu-Natal akhiphe incwadi egunyaza ukuboshwa kowesilisa wakulendawo, osolwa ngamacala okukhokhisa imali yokuvikela.
Ngokusho kokhulumela amaphoyisa KwaZulu-Natal uColonel Robert Netshiunda ngaleso sikhathi umsolwa uMnuz Linda Hlengwa, odume ngelikaPutin nelinye elithi Mjinja, wayeboshwe ngoJulayi 2020.
UNetshiunda wathia lo msolwa oyingozi wayeboshelwe icala lokutholakala nesibhamu esingekho emthethweni nezinhlamvu.
“Wadedelwa esitokisini kusalindwe imiphumela yokuhlolwa kwesibhamu. Kusuka lapho uwashaya indiva amasamanisi ambizela enkantolo ukuthi ayobhekana namacala ayebekwe wona,” kusho uNetshiunda, othe incwadi egunyaza ukuboshwa kwakhe ikhishwe yiNkantolo yeMantshi yasePinetown ngoSepthemba 9.
Khonamanjalo leli phephandaba ngLwesibili libike ukuthi kutholakale izibhamu ezimbili kubasolwa abadutshulwe babulawa amaphoyisa eNtuzuma.
Laba basolwa babulawa nje kuthiwa yibo abadubule kuqala abakwasidlodlo ekubeni bafunelwa uxhaxha lwamacala okubulala nokubamba inkunzi kuhlonyiwe.
Elinye icala elisha bebefunelwa lona ukuzama ukubulala lapho badubula khona iphoyisa ebusweni.