Ingwiji ngomcebo kwidivosi ka-Akon

Kuphuzwa ngayo itiye umhlaba wonke eyesihlabani somculo weR&B u-Akon osolwa ngokuthi ushaye ngemfe iphindiwe umkakhe uTomeka Thiani obemdivosa.

Kuthiwa unkosikazi ubezibheke ngesamba semali yesehlukaniso kodwa kwatholwa ukuthi u-Akon uno-$10 000 egamani lakhe ebhange.

UThiami ubefuna imali engango, $100 000ezeseka ngokuthi udlale indima enkulu ekwakheni umcebo ka-Akon.

Ubale ukuthi wadlala enkulu indima ekwakheni ibhizinisi lezindlu ne-Akon Lighting Africa initiative.

Badivosana nje bese beshade iminyaka engu-29.

Okuthuse abaningi wukuthi izimali zakhe zingaphansi kwegama likanina (Akon).

Abaningi bakhuluma eyokuthi kungenzeka ukuthi ushushumbise umcebo wakhe ngaphansi kwegama likanina ngoba ebalekela ukulahlekelwa.

Abanye basho okwehlukile bajatshuliswa wukuthi u-Akon uchayise uThiami.

Izazi zezomthetho ziveze ukuthi kuba nzima kakhulu uma izimali zingamelwe ngomunye wesithathu.

Zithi umqansa wembongolo icala lesehlukaniso esinje, kuze kube yimanje u-Akon ubengakaze ayithi vu le esidlangalaleni nabammeli bakhe.