UZee Nxumalo uvuke ngeMercedes Benz V Class kaR2 million
Sihle Mkhize
Umculi wakuleli ongaconsi phansi kwabaningi uZee Nxumalo ujabulela ukuthenga imoto yohlobo lweMercedes-Benz V Class V300d EXCLUSIVE ebiza uR2 million.
Kwivideo ayinameke ezinkundleni zokuxhumana ubejabule esegaraji lakwaMercedes-Benz nomndeni nabangani abaseduze, injabulo ibibhalwe ebusweni.
“Ngicela uzwelane nami emgaqweni ngisase wumfundi,” ubhale kanje uZee ezinkundleni zokuxhumana.
Lolu hlobo lwemoto lwakhelwe ubutsetse, istayela ngaphandle nangaphakathi kanti emgaqweni ikuthatha ikubeke.
Le V-Class V300d eyenziwe kabusha ingaphambili layo linegrille enamekwe amalambu eLED akhanya ukwazi ukucosha nenaliti.
Ubhampa wakhona sengathi uzothi ngibuke ngoba ngihlukile futhi ngimuhle.
Le Mercedes ishayelele isipikili sokugcina igqiza ngo-19-inch wamathayi abizwa (alloy wheels).
Ingaphakathi:
Uma ungena kuyo ukhangwa iscreen eside esingu 12.3 inch.
Iselula ishajeka ngaphandle kokuxuuma intambo, ukhiye kuba umhlobiso nje ngoba uciphaza ibhathini udume umshini.
Phezu kwalokho ishaya ngezihlobo ezingu-64 zemibala eshintshashintshayo ngaphakathi uma uyikhanyisa ebusuku.
Lokhu kuyistayela futhi kuyaheha.
Ngokujwayelekile lolu hlobo lwemoto lugibeza abantu abayiyithupha okuhlanganisa nomshayeli.
Izihlalo zakhona ziyavaleks zivuleke kanjalo netafula, iphenduka indlu yokuphumula impela.
Kulabo abafuna okwengeziwe iV300d ikunika nezihlalo zakhona zikwazi ukukuwotawota.
Ezokuphepha:
Uma upaka icanera ikwazi ukukubonisa indawo egu-360 degree camera, iphinde isebenzise i3D okuhlanganisa i-Active Parking Assist neRear Cross Traffic Alert. Additionally.
Injini:
Iphuma nenjini i1950 cc ekhiqiza amandla angu-130 kW. Emuva kwa-25 km ibuyela kwaMercedes ukubhekwa lokhuya nalokhuys. IV300d yakhelwe ukubhekana ngqo nezidingo zansuku zonke nezendlela ezinde.
Inani:
Lolu hlobo lweV-Class V300d luqala kuR2 254 000 ukubiza esitolo.
NB: Marketing & Advertising WhatsApp/Call-073 062 1169
