Zimb’indaba ‘kumasela’ ecopper abanjwe ePinetown 

Aphe Gcwabe 

Zimb’indaba kumasela abanjwe oqotsheni ethutha izintambo zecopper abazitshotshela uhulumeni wakuleli.

Laba basolwa abathathu babanjwe ngoMsombuluko, ePinetown bethutha inyanda engabiza isamba semali engango R800 000.

Omunye umsolwa utholakale ehlome ezingovolo ngomkhono wekati olayisha izinhlamvu ezingu-18.

Lo mkhankaso omungabuzwa ukuthi uthele izithelo ezinhle ubuqhutshwa iDPCI Port Shepstone, SAPS Economic Infrastructure Task Team, Durban Flying Squad, Metro Police Drug Team, PRASA, Telkom noMaapala weTheku.

Ngokubika kwe-eNCA kumanje la basolwa babhekene nohide lwamacala okuhlanganisa ukucekela phansi impahla . Kulindele ukuthi bavele enkantolo kungekudala.

Akusona isigameko sokuqala esifuze lesi njengoba iPurpose ngoSeptember wonyaka odlule ibike ngokuboshwa kwemenenja (59) yendawo okudayiswa kuyo izinsimbi ezindala.

Lokhu kungenxa yokutholakala kwecopper eyebiwe ebiza R20 million.

Amaphoyisa akwaZulu-Natal avundulula lecopper emgaqweni uMartin Drive, eQueensburgh.

Amaphoyisa ophiko lwe-Intelligence ahosha umoya wokuthi zimbiwe yinsele yazishiya kule ndawo edayisa izinsimbi.

Kwabe sekuboshwa itulo lokubalalela unyendle liholwa phambili amaphoyisa ophiko lwePublic Order Policing.

Kwengezwa nophiko lweHawks, zakhala bavuka nenqwaba yecopper.

NB: Marketing & Advertising WhatsApp/Call-073 062 1169