Ingebhe kukhishwa isexwayiso sesimo sezulu
Bahle Mkhize
Sezihlalele ovalweni izakhamuzi zakwaZulu-Natal ngenxa yesimo sezulu esibi esibikiwe.
Abaka-South African Weather Service bakhiphe isexwayiso ngesimo sezulu esingalungile esingalindeleka esifundazweni.
Kuthiwa abantu abaqale ukuqapha kusukela ngoLwesibili ngehora le-12 emini kuze kube uLwesithathu maphakathi nobusuku.
Kube sekukhishwa uhlu loMasipala abasengozini enkulu ngokwenzinga eliku-6.
Phakathi kwabo kubalwa iZululand, uMkhanyakude, iKing Cetshwayo no-Ugu.
Kanti oMasipala ababhekene nobungozi obuphakathi nendawo ngokwezinga eli-4, kubalwa Amajuba, uMzinyathi, uThukela, uMgungundlovu, iHarry Gwala, iLembe neTheku Metro.
Okushayisa ngovalo yimvula enkulu, umoya onamandla, isichotho nombani, okunobungozi obukhulu npezikhukhula ezindaweni ezibaliwe ngenhla.
Kunxuswa abantu ukuba bagweme imigwaqo namabhuloho agcwele amanzi, behlale ezindlini baqhelelane nemifula.
Kuzokhumbuleka ukuthi ngomhla ka-16 November 2025 iPurpose yanxusa abashayeli bezimoto ukuthi bashayele ngokucophelela emgaqweni njengoba kwakushelela ezindaweni eziningi imvula ilokhu iyidlive njalo.
Lesi simo esibi sezulu saholela kwingozi ebandakanya izimoto ezimbili ngasepulazini lezinkomo lakwaNxumalo emajikeni abheke eShowe ku-R66.
Nenkungu ejwayele ukukhasa phansi kule ndawo yabikwa.
Lesi simo esibi sakapakela naseBoksburg, eGauteng sadala izikhukhula.
Kanti nasezindaweni eziningi KwaZulu-Natal, Gauteng, Limpopo, Mpumalanga, North West, Northern Cape naseFree State laliyidliva.
Izangoma zezulu zakwaSouth African Weather Service zaxwayisa ngokuthi le mvula ingase idale umonakalo omkhulu kwezinye izindawo.
Marketing and advertising Call or WhatsApp 073 062 1169
