UZimdollar unconywa ngobuqhawe enqanda uMthandeni
UMSAKAZI woKhozi FM uZimiphi ‘Zimdollar’ Biyela wenze kahle ngesikhathi ephuca umculi kaMaskandi uMthandeni umbhobho esteji kwiMother of All Maskandi Festivals. Ube yisibonelo esihle ngesikhathi enza umsebenzi wakhe ngendlela.
UMthandeni ukhombise ukungawuhloniphi umsebenzi kaZimdollar njengomphathi wohlelo. Ufike sekwedlule isikhathi. Bekumele angene estage ngo-7 kodwa wafika sekugamenxe ihora lesishagalolunye.
Izintatheli zisincome kabi isenzo sika Zimdollar ngoba iningi labaculi bavele baphelelwe inhlonipho uma bethola udumo, bakhohlwe wukuthi izintatheli kanye nabasakazi abaphusha umculo wabo.
UMthandeni ukhombise ukungamhloniphi umphathi wohlelo wesifazane kanye nabahleli bomcimbi. Ukungawuhloniphi umcimbi kufana nokuthi uthuka abahleli kanye nabalandeli. UZimdollar ukhombise ukuzithemba emsebenzini wakhe waphinde wafundisa abasakazi kanye nezintatheli ukuthi bangasatshiswa udumo labaculi nosopolitiki.
Ukhombisele ukuthi angathembeka kunanoma yimuphi umcimbi. Abasakazi abanjengo Zimdollar abakhonzi abaculi kepha basebenza ukubasiza baphumelele. Ukudelela umsakazi kuyindlela yokuzilimaza wena njengomculi.
