UNtencane uveza amagidangoma asinde engozini
Portia Luthuli
Umculi kaMaskandi uNtencane namagidangoma asinde engozini yemoto izolo baphikelele eNgudwini, eShowe, ukuyoyibhikla ingoma.
UNtencane ushuthe ivideo ejabule namagidangoma asindile ewaveza nobuso. Ube esencokola ethi ubebabuza ukuthi abazonelanga yini ngesikhathi kwenzeka ingozi.
“Awathintekanga lamadoda ayimiqemane, namanje sisendleleni nje siyoyibhikla eShowe eNgudwini,” usho kanje uNtencane.
Amagidangoma abehamba ngePolo Vivo emhlophe enepleti eliyikhomba eMlaza ashayiswa itruck eThekwini qede wadla phansi umshayeli. Imoto ibihuzuke iwindscreen nenhlangothi zombili kanti newindscreen ibisingikho.
Ekhuluma nePurpose uNtencane izolo uthe amagidangoma abephuma ekhaya kubo ngesikhathi ehlelwa yilesi sehlo. “Abafowethu abangigidelayo bebephuma ekhaya beshayiswa itruck, namanje ayikatholakali kwaleyo truck nomshayeli wayo. Ngibonga ukuthi basindile,” kuchaza ngamafuphi uNtencane.
