‘UMduduzi ngamthatha ngamfaka endlini engenalutho’ – Big Zulu
Sihle Mkhize
Umsunguli wesitebela somculo iNkabi Records, uBig Zulu, uphumele obala wazwakalisa ubuhlungu ngokuhlubukwa uMduduzi Ncube.
UMduduzi ubeseniminyaka noBig Zulu kanti waba iciko lokuqala elasayinwa yiNkabi Records.
UBig Zulu ubekhuluma ohlelweni lwasekuseni kwiGagasi FM olushayelwa uFelix noMinnie.
Uveze ukuthi wamthatha enganalutho wamfaka endlini wamenza umuntu.
“Eqinisweni kukhona ubuhlungu okuba khona, uMduduzi ngamthatha engena lutho, ngenxa nje yothando nokumbona kwisimo ayekuso, ngamfaka endlini ngamenzela yonke into”
“Sekubuywa kuthukwa mina futhi. Mhla nimbiza kulolu hlelo ngingafisa ukuba khona ngoba kubi ukukhuluma ngomuntu engekho. Sikhulume kanje… achaze ukuthi wakwenzani lomfo. Noma abe yedwa akuchazisele nje,” kulandisa uZulu ebonakala nasebusweni ukuthi ukhathazekile.
Okunye akuvezile okungamphathanga kahle emuva kokushabalala kobudlelwano babo wukuthi uMduduzi wahlangana nabantu angezwani nabo.
“Wahlangana nabantu engaziyo ukuthi abangithandisisi kahle, angazi lokho wayekwenza ngoba ethi uhlabekisa mina yini,” kuqhuba uZulu.
Kuyaziwa ukuthi uMduduzi wahlangana noMthandeni SK bashutha izithombe zabo bazinameka ezinkundleni zokuxhumana.
Abagcinanga lapho kodwa baqopha ingoma ngokuhlanganyela.
Kuyaziwa ukuthi uBig Zulu abadli ogqokweni olulodwa noMthandeni SK.
UMduduzi waphuma eNkabi Records sekumuncu wasungula iBlack Bird Music Entertainment.
Marketing and advertising Call or WhatsApp 073 062 1169
