Zukhisimusi ku-Ox ‘ngeyokugcina’ kwaMitsubishi

Sihle Mkhize

Uhleka yedwa umdlali wamaSpringboks u-Ox Nche olule inkontileka yakhe nenkampani yezimoto iMitsubishi Motors South Africa.

U-Nché uzoba ngomunye wabokuqala ukugibela umacekeceke weTriton, lezi zindaba zethulwe eThekwini ezinsukwini.

Lo mdlali ujoyine umndeni wakwa Mitsubishi ngo-2023, emuva kancane nje kokuqukula indebe yomhlaba ngonyaka ofanayo.

Kusukela lapho ke u-Nché ubetetemuka ngeTriton Xtreme.

“U-Ox ungumuntu okufanele ukuba yinxusa okunye usanda kuthengela isihlobo sakhe” kusho uLerato Nonyane, oyiGeneral Manager: Product neMarketing kwaMitsubishi Motors South Africa (MMSA).

Ulandelwa ezinyathelweni uTrevor Nyakane abadlala naye kuma Springboks.

Akusibo kuphela abahlabene ngale ngqayizivele yethuba, kubalwa unozinti weqembu AmaZulu FC,  u-Olwethu Mzimela, nomdlali wasesiswini uHendrik ‘Pule’ Ekstein.

Bonke bajoyine u-Nché noNyakane njengamalunga amasha omndeni wakwa Mitsubishi.

“IMitsubishi iphokophele phambili ekwakheni nasekukhuliseni lobu budlelwano, ikakhulukazi njengoba sisembhidlangweni wokuvikela isicoco sendebe yomhlaba”

“Sikholwa wukuthi iNext-Gen Triton yimoto enhle kakhulu nezoqinisa ukusebenzisana ndawonye,” kuqhuba uNonyane.