Kulimale iphoyisa bafa ujuqu ababili kudutshulwana
Liyah Mseleku
Bafe ujuqu abasolwa ababili ekuseni ngoMsombuluko bedubulana namaphoyisa KwaZulu-Natal, KwaMashu.
Ngokombiko kuthiwa amaphoyisa abelandela umkhondo wezigameko zakamuva zokubanjwa inkunzi.
Ngezikhathi bevinjezelwa amaphoyisa esigcemeni kwaB kulapho ke amadoda amabili evulele ngenhlamvu emaphoyiseni alimaza kabuhlungu elilodwa.
Azibuyisile izinduku amaphoyisa abadubula ababulala bobabili abasolwa.
Iphoyisa elilemele lithole usizo lokuqala endaweni yesigameko nalapho kuthiwa liyawuphonsa umbalane.
Khonamanjalo, esigamekweni esibike ngaso ngo-April abasolwa babambe imoto yemali emgaqweni uM25 KwaMashu, eThekwini.
Kushaqwe izibhamu ezimbili ezincane, esisodwa esikhulu nesamba semali.
Abasolwa abebehlome bezingovolo bebehamba ngezimoto ezimbili ezahlukene bamise ngoshova imoto ebithwele isamba semali engadalulwanga.
Lezi zigilamkhuba zinamathisele amabhomu kule moto yemali kwaduma izulu.
Yilapho-ke bekwaze ukushaqa khona yonke imali nezibhamu zonogada.
Badubule emoyeni amahlandla ambalwa ngaphambi kokuthi bashaye bachithe nemali. Babaleke ngemoto yohlobo lweFord SUV emhlophe neToyota Corolla esiliva.
Ngesikhathi sesigameko ilunga lonogada beReaction Unit South Africa (RUSA) belihamba liqhuba umsebenzi ngesikhathi liqaphela imoto kuM25 ibaleka. Unogada ucele kwengezwe isibalo ngesikhathi beyobheka endaweni yesigameko.
Kutholakale isibhamu sohlobo lweRevolver endaweni yesigameko nokusolakala ukuthi siqathake kubasolwa.
NB: Marketing & Advertising WhatsApp/Call-073 062 1169
