IHaval H6 newozawoza ngobuhle nezobuchwepheshe
Ngeney’ntwen Mkhize
Kulokhu igcagcele esokeni kwazise ngithole ithuba elingqayizivele lokuvivinya imoto engundabamlonyeni iGWM Haval H6 Model 2025.
Ukhiye wale ngqovungqovu wakhiwe kuhle kwemouse yecomputer umehluko ukuthi wona mncane uthi awulingane nebhokisi likamentshisi.
Uma usondela kuyo iH6 igrill iyasho ukuthi ngibuke kanti yona imoto ngqo iwubhazabhaza njengoba ingu 1730 mm ubude.
Le ebengiyivivinya ibigijima ngamathayi angu-225/60 R18 igqize ngamarimu ohlobo lwe-alloy amnyama.
Uma uvula isicabha ukhangwa izihlalo zesikhumba ezimnyama nokuhlal kuyo abagibeli abayisihlanu.
Itouch screen yakhona iwu 14.6-inch okuningi kwenzeka khona kwazise amabhathini awekho kule moto.
ITouch screen yakhona uyazixhuma kwi-Apple CarPlay ne-Android Auto kube umshubo.
Khohlwa njengesidomu esikoleni uma uqalaza indawo yegiya njengoba kunendawo yokushaja iselula ngaphandle kokuyixhuma kwintambo.
Kuphinde kube nezikhala zokushutheka amaglass, ngaphansi kunendawo ebengizibekela kuyo iskhwama sami esigaxwayo esincane.
Cishe njengazo zonke izimoto zesimanje zidunyiswa ngokuciphaza ibhathini nakule yiso leso.
Ngasesandleni sokudla esteringini kunegiyana elifana nelama indicator yilo ke okukhona kulo uR, N, D.
Ngize ngacela uSbonelo Myeni obengilethele le moto ukuthi angikhombise ukuthi isebenza kanjani kula magiya.
Nokho akuthathanga imizuzu ngayibamba, elokishini laseLovu bese kubukwa yona.
Le nhlobo inama modes kuhle komuntu ophilayo, kule screen sakhona ikuvezela uMist, Sport, Sand, Normal no-Eco bese kuya ngawe.
Okuqaphelekile wukuthi akujubane kuyafiwa ikwazi ukufinyelela ku-100 km/h ngemizuzwana engu-4,9.
Kwezobuchwepheshe obuhambisana nezokuphepha igabe nge-Adaptive Cruise Control, Lane Keep Assist, Automatic Emergency Braking, Blind Spot Detection, Traffic Jam Assist, 360° noma 540° camera.
Iphinde ikwazise uma kunesiminyaminya nima ingozi.
Kulabo abahlezi becela ukushaja uma bengena emotweni kwiHaval H6 usuke ufike ekhaya, ishaya ngezimbobo zokuxhuma eziwu-5 ne-USB inembobo yayo.
Uma ungumuntu okhonze umsindo phephisa ngibone sisolwandle eWinklespruit kubungazwa usuku lokuzalwa kwamzala.
Okunye okuqaphelekile wukuthi itouch screen yakhona iyaxhopha ebusuku kwazise ikhanya bha. Uma usebenzise iGoggle map kumele ubekezele noma wenze izaba.
La ngezansi amanani eHaval H6 ngokwehlukana eNingizimu Africa
H6 2.0T Luxury DCT: R495,500
H6 2.0T Super Luxury DCT: R542,500
H6 2.0T Luxury 4WD DCT: R574,500
H6 2.0T Ultra Luxury 4WD DCT: R614,500
H6 1.5T HEV Luxury DHT: R641,500
H6 1.5T HEV Ultra Luxury DHT: R686,500
H6 GT 1.5T PHEV Ultra Luxury DHT 4WD: R799,900
La manani ahlanganisa iminyaka ayisikhombisa noma u-200,000 km warranty, kukhona ne-75,000 km service plan.
NB: Marketing & Advertising WhatsApp/Call-073 062 1169
