Kuhlakazwe isidleke sezidakamizwa eBluff
Liyah Mseleku
Amaphoyisa kaMasipala weTheku alwisana nezidakamizwa ngokubambisana neSAPS avundulule isidleke sezidakamizwa eBluff kulo leli dolobha.
Kutholwe indawo ekutshalwe kuyo umthunzi wezinkukhu osezengeni eliphezulu namakhowe “omlingo”.
Amaphoyisa agasele kule ndawo avundulula insangu engu-892 esiboshiwe elungele ukubhenywa.
Nakhu okunye okutholwe ngamaphoyisa
■ 45 cannabis syringes
■ 26 magic mushrooms (psilocybin)
■ 212 containers of hashish
■ 115 containers of cannabis dabs
■ 2 blocks of hashish weighing 207g
■ 197 bottles of cannabis oil 4kg cannabis dust
■ 3.5kg packaged cannabis dust
■ 1.8kg, 2.6kg, and 1.2kg of loose dagga
■ 2 inventory sales books
■ 1 electronic scale
Sekuhlangene konke kubiza imali elinganiselwa kuR753,150.
Abasolwa bazobekwa amacala okutholakala nezidakamizwa, ukuzishushumbisa.
Abasolwa baboshwe endaweni yesigameko bagqunywa esiteshini zamaphoyisa eBrighton Beach.
Khonamanjalo, kuboshwe abavela emazweni angaphandle ngokwehlukana bebhadanywa nezidakamizwa ezibiza inani lasemgaqweni elingu-R53,3 million.
Kuthe ngeSonto ngezikhathi 13:45 emini abakwasidlodlo bagasela emzini thizeni eWestern Cape, Goodwood osemgaweni uMolteno.
Okhulumela amaphoyisa aseWestern Cape uLieutenant Colonel Malcolm Pojie uthe lo msebenzi ube yimpumelelo ngenxa yezinhloli endaweni.
“Ngesikhathi kuqhubeka uphenyo kuvundululwe u6kg weheroin otholakale kwelinye lamakhabethe endlini”
“Kube sekuboshwa owesilisa oneminyaka engu-32 noqhamuka eTanzania. Ube esebekwa icala yokutholakala nezidakamizwa ezingadayiswa uR 1 million” kusho uLieutenant Colonel Malcolm Pojie.
NB: Marketing & Advertising WhatsApp/Call-073 062 1169
