ISundowns ayinantanga eMzansi inqoba iligi (8) kulandelana
IMamelodi Sundowns ikhombisile ukuthi ayinantanga ebholeni laseNingizimu Africa iqopha umlando ongakaze ube khona.
ISundowns ingompetha beBetway Premiership okwesi-8 kulandelana.
Leli qembu ngoLwesithathu ebusuku belibhekene neChippa United.
Kulo mdlalo belidinga iphuzu elilodwa vo ukuze lizoba ngompetha bakusizini ka-2024/25.
ISundowns ayibanga nazwelo kwiChippa United, njengoba iyibhaxabule ngamagoli amathathu eqandeni.
Amagoli eBrazillians eze no-Iqraam Rayners kwathi amabili eza no-Arthur Sales ngezikhathi ezahlukene.
Umdlalo ubudlalelaa eBuffalo City Municipality Stadium, e-Eastern Cape.
Igoli lokuqala lishaywe ngu-Iqraam Rayners esiwombeni sokuqala, amanye amabili avalelwa ngu-Arthur Sales kwesesibili.
AmaBrazilian azoqukula indebe uma esesonga iligi neMagesi FC eLoftus Versfeld ngeSonto.
NB: Marketing & Advertising WhatsApp/Call-073 062 1169
