Inkabi ecaleni lokufa kwaMagaqa ‘isiyacula’
INKABI eboshelwe icala lokubulala, owayenguNobhala-Jikelele wophiko lwentsha ye-ANC ngo-2017, uSindiso Magaqa isiqale ukucula.
ISunday World idalule ukuthi imithombo yophiko lweCrime Intelligence ithole ukuthi uSibusiso Malusi Ncengwa, owaboshelwa leli cala uthintana neMeya yaseMzimkhulu, Jabulile Mzizi-Msiya.
UMzizi-Msiya wasinda ngokulambisa ngoJulayi 13 ngo-2017 ehlaselwa noMagaqa.
Encwadini efungelwe, umsolwa uthi izikhulu ezimbili zikaMasipala waseMzimkhulu zamqasha ukuba abulale uMagaqa, zamnika u-R120 000 kanye namathenda kamasipala ukuze avale umlomo.
UMagaqa ubephenya ngenkohlakalo ngaphakathi kumasipala, nokuyinto emenza abhekwe ngabomvu. Umshayi wesibhamu uvumile ukuthi ukubandakanyeka kwezezimali yikona okwamgqugquzela.
Izikhulu zabona ukubulala njengendlela yokuvikela izenzo zabo zenkohlakalo.
