Inhlokomo kwaHyundai ePinetown ivelela ngamagalelo
Ngeney’ntwen Mkhize
Kume ukusebenza isikhashana abasebenzi benkampani iHyundai Motor Group ibungaza impumeleleo yegatsha elisePinetown, eThekwini.
IHyundai Pinetown kumanje ingene esigabeni samagaraji ayikhulu ahamba phambili emhlabeni esibizwa ngeGlobal Top 100 Dealers of the Year.
Ukuzimisela kwabo kubenze bakwazi ukudayisa izimoto ezingaphezulu kwa-250 ngenyanga, kuphinde kuseyiviswe eziwu-12 000 ngonyaka.
UMengameli uJose Munoz ophinde abe yiCEO kwaHyundai Motor Company, uhalalisele waphinda wancoma abasebenzi basePinetown ngokuzimisela nokuzikhandla emsebenzini wabo.
“Ngiyanihalalisela ngokubalwa nezinkampani eziku-100 emhlabeni wonke ngokuhamba phambili. Nikwenze lokho nakuba bekunezinkinga kule mboni yezimoto”
“Ukuzibamba ziqine kwenu akukhuphulanga ukuthenga kwezimoto kuphela kodwa nokugculiseka kwamakhasimende. Ngiyanibongela” kwengeza uMonez.
UStanley Anderson, oyiCEO kwaHyundai Automotive South Africa, naye uphinde wancoma kakhulu umsebenzi owenziwa yiHyundai Pinetown.
“Ukuhlonipha nokuzimisela emsebenzini kwenza umsebenzi uqhubeke kalula.
“Lokhu kufake isigxivizo sokuthi siwasiza kanjani amakhasimende wethu eNingizimu Africa”
“Sihalalisela bonke abasebenzi base Hyundai Pinetown ngokuphuma phambili,”
“Lesi sicoco esokuqala esitholwa inkampani yaseNingizimu Africa abakaze basithole phambilini”
“IHyundai Pinetown ikhombisile ukuthi ukuzimisela nokubeka amakhasimende phambili kanye nokuhlonipha umsebenzi wakho kuzala impumelelo”
Uveze ukuthi ngisho nenkampani eqhamuka edolobheni elincane iyakwazi ukufaka isitembu umhlaba wonke.
UMnuz Sidney Francis, oyidealer principal owathatha izintambo ngo-2022, uncome ithimba lakhe ngokuzikhandla nokuzimisela emsebenzini.
“Sabona kusaqala ukuthi ukuze siphumelele kulo mkhakha kudingeka sizibambe ziqine nokuthembeka”
“Lesi sicoco siyisibonelo sokuthembeka nokuzikhandla kwabasebenzi bonkana nokwethembeka kumakhasimende ethu ngasosonke isikhathi.”
IHyundai Pinetown isuka kude njengoba ngo-2002 yayinabasebenzi abathathu kuphela abadayisa izimoto.
Ngaleso sikhathi babedayisa ezimbili kuya kwezine ngenyanga.
Namuhla leli garaji lidayisa izimoto ezintsha ezingu-125 zinyanga zonke, kuthi ezingamasekeni zibe ngu-110 nyangazonke.
Ngenyanga zingu-1000 izimoto abaziseyivisayo.
NB: Marketing & Advertising WhatsApp/Call-073 062 1169
