Ingqophamlando yesivumelwano kwiHyundai neSpringboks
Sihle Mkhize
Kuvuselelwe ubudlelwano beminyaka emine phakathi kweSA Rugby nenkampani enkulukazi edayisa ngezimoto kuleli iHyundai Automotive South Africa.
Lobu budlelwano bukhule ngendlela yokuthi kunabele nakumaSpringbok uqobo kanye nawo wonke amaqembu esizwe.
Kuzokhumbuleka ukuthi le nkampani yezimoto yamemezela isivumelwano eyaba naso namaqembu amancane esizwe.
NgoLwesine kuqopheke umlando iHyundai yiba ngabaxhasi abasamthethweni beSpringboks, Springbok Women, Springbok Sevens abesilisa nabesifazane.
Ingqikithi abavumelane ngayo njengoba sebewunwebile umndeni yi-United by Rugby. Driven by Hyundai.
“Kuyintokozo ukuqinisekisa ukwanda kobudlelwano phakathi kweHyundai Automotive South Africa nawo wonke umndeni weSpringbok’
“Sibheke ubudlelwano obuzosihlomulisa sonke nohambo olude olusasihlalele,”
“IHyundai isizakhele igama emhlabeni ngokwakha izimoto ezithembekile nokuyizinsimbi ezingagobi kalula”
“Siyakujabulela ukuthi uHyundai uzibophezele ekubeni izimpendulo kwizidingo kwezokuthutha. Sihlezi siphokophele phambili ukusuka la kuya phambili iSA Rugby izobe igijima ngeHyundai,” kuchaza uMnuz Rian Oberholzer oyiCEO kwiSA Rugby.
UMnuz Stanley Anderson oyiCEO kwaHyundai Automotive South Africa uthe: “Lembumba inamandla ayisimanga ngoba ihlanganisa amagama aziwayo amagalelo wawo. Kusuka ekwethembekeni, ukuthuthuka nokuhlezi besey’ntwen”
“Akukhathaleki ukuthi ngabe isemgaqweni noma ngabe isenkundleni iHyndai namaSpringboks bazibophezele ekuvuleni ininyango ukuya kwimpumelelo”
Lobu budlelwano busho ukuthi iSA Rugby izobe igijima ngobutsetse obunestayela bezimoto zakwaHyundai.
Kuzokwenzeka kusukela kubadlali kuze kufinyelele kubasebenzi nje.
Phakathi kwezimoto eziwubukhosi lenkampani egabe ngazo ngobuhle nangestayela kubalwa iHyundai Santa Fe, Hyundai Creta SUV, Alcazar nezinye eziningi.
NB: Marketing & Advertising WhatsApp/Call-073 062 1169
