Iminyaka kumzali ngecala lokushaya ingane ayizalayo
Sindiswa Nxumalo
Inkantolo yeMantshi yaseCarnarvon imgwebe iminyaka emihlanu umlisa oneminyaka engu-41 ngecala lokushaya ngenhloso yokulimaza indodana yakhe ena-11.
Umsolwa watholakala enecala iMantshi yase Carnarvon ngolwesthathu mhlaka 4 February 2026.
Lesi sehlo senzeke ekhaya lika msolwa eCarnarvon ngolwesbili mhla ka-5 August nyakenye ngezikhathi zakusihlwa ngehora lesi-8.
Isisulu sishayelwa ukuthi sicele iSIM card yomakhalekhukhwini kubaba waso.
Kuqale kwahiliziswana ngamagama wabe esembeka isandla.
Umsolwa ushaye umntwana ngebhande ephindelela emlimaza emzimbeni nasemoyeni.
Isisulu sizamile ukudlubulundela, kepha ubaba ongumsolwa wasiyalela ukuthi abuye ekhaya.
Ekumficeni kwakhe uye wamgingqa phansi wahlala phezu kwakhe waqhubeka nokumshaya.
Ngokwesitatimende umsolwa ufake ingane inqindi, wayikhahlela waze wayiklinya ngaphambi kokuthi ayishaye ngedolo ezimbanjweni.
Ingane ikhalile icela usizo kwaze kwezwa umama wayo wangenelela elamula.
Icala lokushaya ngenhloso yokulimaza kanzima livulwe esiteshini samahoyisa eCarnarvon nokuholele ekuboshweni kuka msolwa ngomhla ka-11 August nyakenye.
NgoLwesthathu umsolwa ube esegwetshwa iminyaka emihlanu ebhadla ejele.
Inkantolo iphinde yamdalula njengomuntu ongafanelwe ukuphatha isibhamu.
USayitsheni Marlon Eksteen wesikhungo se-Family Violence, Child Protection and Sexual Offences (FSC) uphenye lolu daba waze waqinisekisa ukuthi ubulungiswa buyenzeka.
NB: Advertisement Call/WhatsApp 073 062 1169
